等待驗證會員
|
668#
大 中
小
簡
繁
發表於 2007-6-2 只看該作者
6月3日 賽前老點你
睇番明天排位,先發現自己在賽後老點你既馬後炮內,有3隻馬明天都有出賽,呢3隻馬係 第2場 8上海之友,第4場 9出騏制勝,第6場 13勁速猛將,我唔再講番呢3隻馬上次點跑,但呢3隻會唔會又好似我上一次賽後老點你提供個隻旅英名駒咁,又有交代呢.(雖然跑第3,但在我黎講算係唔錯,只係我覺得韋達騎得唔夠狠)而呢3隻馬我當然會追買啦,既然上次我睇到呢3隻馬輸既因素,我冇理由唔追買,只係佢地表現會唔會好似我預期咁呢,就好難講,希望佢地用我期望既跑法啦.3隻之中我最怕隻13勁速猛將,因為吳房d馬好有耐性,明明睇到佢好,但可以等足一季都冇乜表現(可能我睇錯,就當我睇錯),但追馬賭就要長期作戰...祝自己好運..:023:
至於明天賽事我就睇到有2隻馬可以留意,1隻係第10場 1青蝠王,1隻係第11場 14成功皇.
先講青蝠王,呢隻馬今季表現唔算好,但場場近,主要原因可能係上季嬴左2場後,今季評分偏高,在1班對住d比較強既對手,次次得個近字,今次休息左3個月出賽,最好既地方係呢隻馬做足功夫,而隻馬又忠心,加埋今場竟然用鄭雨滇 ,我覺得所有野都係為左一個原因,就係想減小小磅作最後一擊,睇番呢場馬既對手,除左隻 10風雲遊子唔g佢咩料外,其他對手唔係退化中,就係今季表現一般既馬,就算好似 5創惑,8陽光,9聲威旺,12金同德,呢d今季表現好既馬都係加左分升上黎,而青蝠王就停留係1班尾2班頭等佢地上黎挑戰,我覺得青蝠王絕對有力一戰, 又唔會成為熱門,值得一搏 W/P.
至於隻 成功皇睇好佢既原因仲簡單,如果隻馬唔係傷過,狀態又難操起,根本唔係3班馬,2班都有得跑(我個人主觀覺得隻馬值2班),而且呢隻馬一有狀態,可以維持一段時間,上次佢雖然嬴既係常山鎮寶,但佢係要負 127磅,讓常山鎮寶11磅,而且嬴來輕鬆有餘,今次急急再出,睇黎係想見隻馬有態而盡用,而且呢場又有好多馬要讓佢磅(今場佢只負108磅),又係一定唔會成為熱門,值得一搏 W/P.
|