A係廁所出嚟後，輪到B就入左廁所，我就仍然訓係張床到。A見B入左廁所後，就望一望我，翁一翁個鼻，但冇講野。我見到A既表情後，我忍唔住反問A:仲咩咁既樣呀？A行埋我床邊細細聲咁講：咁你都唔明？我突然覺得好煩添。去旅行玩會玩到咁煩既，真奇怪…
我伸隻手拖住A隻手講：Sorry, 都係我唔好啦，攪到你唔開心添。A擰擰頭講拖實番我隻手講笑咁講：唉，我拍過2次拖，都係人追我，我第一次唔係比人追，我天生麗質，估唔到衰左係你手上添。
我當時聽到都唔知點回應，只係覺得有d內疚，所以放左捉住A隻手，我慢慢坐左起身挨落床頭，望一望A。當時A冇正面望我，A停頓左兩秒講：突然好想攬住你添。我聽到後反而好自然咁雙手環抱A個膊頭，拉A貼埋我身邊。A雙手亦慢慢咁環抱住我條腰。我同A額頭貼額頭，A個嘴慢慢貼近我個嘴，跟住蜻蜓點水式錫左我嘴唇一下，之後A將個頭貼緊我個膊頭到。大家當時都冇講野。我亦將我個頭貼番落A既膊上。呢個動作維持左兩分鐘到，A就講：好啦，我冇事啦。我要去揸cream, heehee。
之後A放手，起身就行左埋去梳妝枱到。我就訓番低望住天花板諗野。隔左陣B沖完涼都出嚟。
