*如你要走, 請帶走所有*
張穎 : 今晚一起吃飯好嗎? 陳總想請大家食飯, 因為近來太辛苦大家啦. (佢笑笑口望住我講)
我 : ..............可以呀, 一起去吃吧
張穎 : 你沒有約人吧 (我覺得佢聽到我同T對話)
我 : 有呀, 有約人, 9點後. 但當然, 陳總請吃飯, 我一定要到呀
張穎 : 國內人一般比較早食晚飯, 你可以放心, 唔會影響你的約會
我 : 影響都沒有關係, 客人為上 (呢個女人, 我要好好留意佢)..........................
將會場所有事完成後, 我決定返酒店沖涼換衫, 為既唔係因為今晚同客人食飯, 只因為今晚同T約會. 今晚陳總係酒店訂左一間房, 我到達時大家都已經乖乖咁圍住張16人枱坐好, 我掃射左一輪排位, 只有陳總左手邊有一個吉位, 張穎坐左係陳總右手邊, 我們當中就相隔了陳總. 我一坐低, 服務員就馬上幫我加酒, 加左一杯紅酒 (你有冇問過我想飲D什麼呢???), 酒一倒好, 張穎已經拿起枱上杯酒有所行動 :-
張穎 : 這次真係麻煩晒你, 辛苦晒各位
陳總 : 係啦, 真係辛苦大家, 因為我身體唔好, 以茶代酒啦
我 : 希望這次陳總你會滿意, 亦先預祝展覽順利 (我好醒咁敬完陳總同大家次後, 先自隊一杯)
陳總 : 今晚大家就輕鬆點, 這幾天就辛苦大家啦 (呢位老人家原來都算平易近人)
張穎 : 來! 我敬你一杯 (手上拿住既原來唔係紅酒, 我望一望後面個服務員, 拿住枝矛台)
我 : 那我以紅代白了 (又一口隊晒杯紅酒)
張穎 : 看來你的酒量也不錯, 不如試下白酒啦, 陳總特別拿出來既 (好明顯, 佢唔知我醉酒既時候連自己都驚)
我無答好定唔好, 亦都無比反應, 張穎已經示意服務員比杯矛台我. 化學作用下, 唔夠一個鐘頭時間, 我已經開始有醉意. 當晚有好多食物, 但我無心戀戰, 時不時都留意下隻錶, 亦都盡量控制自己, 唔好飲太多.
我覺得國內人食晚飯, 就算係公司飯局上, 好多時都比香港人輕鬆, 當晚係食飯當中, 還加插左個環節............唱歌. 唱歌人之一, 就包括左張穎, 我好記得佢清唱左一首"月亮代表我的心", 雖然無鄧麗君聲音咁圓
咁甜, 但都使到我聽得入心..................(呀.......如果係床上面聽住呢把聲, 你話幾正呢).
張穎D歌聲使到我有D沉醉, 我眼神好自然咁經常向佢望去, 呢個女人望得耐會使人中毒, 我都係要少D望佢, 這時電話響起 :-
T : 你猜猜我是誰
我 : 最醜那個就是你
T : 那你還記得要跟個醜人吃飯嗎?
我 : 我記得, 我已餓了一整天, 就是怕那人太醜影響我食慾
T : 哈哈, 你在那, 我來接你
我 : 我在XX酒店呀
T : 你在吃飯嗎?
我 : 客人請我跟工作人員吃飯, 基本上就要完了, 你過來吧
T : 要不改明天?
我 : 沒關係, 你到了打給我, 我下來
掛線之後, 我先陳總說了等一陣我有事要辦, 要先行告退. 之後就同大家講聲同又自隊一杯, 無幾耐, 我手機響, 係T打來, 我就同大家講我失陪先. 呢個時候張穎提出送我出去, 我無推辭. 行出房間後, 我從佢身上
聞頭一陣矛台味, 亦都隱約香味, 唔係香水味, 唔知點形容, 落扶手電梯既時候, 佢係企係我前面擰轉身對住我, 有一份攝人媚態. 冷不防佢先開口 :-
張穎 : 約左女朋友嗎? (我感到佢說話間有點酒意, 其實我都係)
我 : 我結左婚啦
張穎 : 哈哈......你都好老實
我 : 無必要隱瞞, 何況亦隱瞞唔到
張穎 : 你比我幸福, 我大學畢業後, 就無拍拖 (即係叫我溝你係嗎?)
我 : 一般男仔你睇唔上眼 (我好肯定係)
張穎 : 的確係, 我唔喜歡浪費自己時間
我 : 即係你要有回報先會附出感情啦
張穎 : (佢無答我, 只係一直笑)
好快來到門口, 張穎就送到我來門口, 但對眼一直向門外望, 好明顯佢想睇下咩人來接我, 門口對出泊左一陪PRADO, 向我閃一閃頭燈, 我好肯定係T, 但車廂好黑, 我睇唔清楚, 張穎亦都係. 道別後, 我好快咁上左T部車 :-
T : 那女生很漂亮 (....................女人!)
我 : 客人的文秘
T : 那你也找一個文秘吧
我 : 你來當呀
T : 好呀, 你早點做夢
我 : 對啦, 你女兒怎樣?
T : 她現在隱定了, 我媽在看她, 我可以休息一下了, 對, 你想吃什麼
我 : 我隨便就可以, 最好是有熱湯的, 因為我剛才飲了很多酒
T將車一直駛去一家食店, 門口唔知寫住什麼湯同家常菜, 我地兩個入去後, 選左個靠窗位置坐下, 點了個湯及小許食物. 這一刻, 我地兩個暢所欲言, 但都係談天雪地, 大家都無先提到大家個家庭背景, 直到T電話響起, 電話中傳來一把
好粗聲粗氣既男人聲, 我只聽到T不停地 : 沒有呀, 那會, 真的沒....................沒有, 你瞎說什麼? 過了一會, T掛了線, 臉有點死灰, 佢知道我望住佢, 眼神轉出窗外無出聲. 我叫服務員埋單, 因為我知道佢唔想繼續坐係度. 上車後佢無出聲, 我亦無問佢車我去邊, 因為我估到佢會送我返酒店, 路上我無問佢發生咩事, 始終每個人都會有佢唔想講的秘密.
車好快到酒店, 我無講什麼, 只係落車前講 " 早點回家休息, 回到家中給我打個電話報平安" 轉身就下了車, 在這個時候 "我可不可以到你的房間坐坐?" T在這個時候向我提出........................待續!
[ 本帖最後由 Alden72123 於 2015-10-29 09:25 AM 編輯 ]
