daniel9872

good :smile_o12:

往時愉快回憶

當我講完個句話後，我地冇再出聲，仍然擁抱住。但當時我內心真係好唔開心，係咪因為我而傷害到兩個女仔，我知道我冇可能話同時同佢兩個一齊拍拖，冇可能同時擁有佢地，雖然我同佢地未開始，但一想起可能會離別，就會有種依依不捨既心情。所以我果一刻發自內心既感覺，令我抱得佢地更緊，令我更心酸，我雙眼滿佈想流出既淚水，雖然我好努力控制心情強忍住，但都有一大滴眼水流左出嚟。好彩A同B個頭都背住我，所以佢地睇唔到。

因為我雙手同時攬實住A同B,果大滴眼淚慢慢從面流下，我又冇手用嚟抹左滴眼淚，加上我知道我郁邊隻手都會破壞呢刻既氣氛同動作，所以我由得滴眼淚响面上。但滴眼淚終於從我塊面滴左落B個頸同膊頭位置既皮膚上，令B感覺到有濕。所以B開始郁身，頭同身都移離開我但隻左手仍然攬住我背脊，B用隻右手摸摸自己條頸，B抬頭望住我講：你仲咩呀？跟住B再用左手抹左一下我面上既淚痕，A聽到B講亦移開頭同身抬頭望住我。B垂低番隻左手講：傻瓜。講完後B個頭又貼番落我個膊頭到，我感覺到B隻右手攬得我個背更實。

我喊令我覺得好尷尬而個心又諗唔到講咩野，所以就講左句：我地仲可唔可以繼續做好朋友呢？A沉默左幾秒開始講：唉，原來男女之間既感情就係咁怪，當初自己都覺得同你冇可能先會當到你係好朋友，但原來好朋友同鍾意係一線之差，一變左完全係兩個感覺。你地明唔明呀？

A講完後，其實我當時唔係好有共鳴，因為由始至終我都想拍拖，所以個心冇話認定佢地係好朋友而係想做男女朋友。但我感覺右膊件衫好濕，應該B聽到A既說話後更感觸，所以更多眼淚流左出嚟整濕我件衫。

A跟住突然笑番咁講：嗱，你而家就好啦，兩個靚女係到俾你左擁右抱，咁你而家未好開心囉？我好快咁答：傻啦。A好快咁接住講：如果我以前男友咁做，我已經昇左佢幾巴啦，仲會比你攬住，你睇你呀，我地對你幾好。我聽完A咁講而想個氣氛冇咁薑，所以講：我相信你實會，對我咁好，咁我地要繼續企係到攬住啦。咁我又攬番A埋我身。B聽到我講後，就抬高頭望住我，隻左手拍一拍我個心口，笑番咁講：你就想啦，咁益你，好啦夜啦，我地返去酒店啦。聽到B講完後，我地都離開大家身軀，準備返番酒店。

huskey

支持C Hing

92353876

撐撐撐

sinar45

唉!!! 樓主 問世間情為何物............................

kensen

返酒店....之後做咩呀?

往時愉快回憶

咁我地慢慢行咁離開沙灘，我行係A同B中間。我望向個天，因為當晚冇咩燈光，所以呢到既天空可以望到好多好多既星星，我忍唔住開口講：你地望下個天，嘩，好清，好多星星呀。我見A同B同時都望向個天。

我同A,B其實行得我埋，行緊時我地冇講野，我隻手碰到A隻手，我地隻手一路行都有觸碰，果種觸碰既感覺好特別好深刻，個心會boom boom咁跳，但我又唔想縮開隻手而我估A都係一樣，之後有一次觸碰，A隻手突然拖住我隻手，我冇抗佢，反而好自然咁拖實A。我拖實A後，我更大膽地去用另一隻手捉住B隻手，B都冇抗拒，但B隻手明顯感覺好薑硬冇郁。我地三個人拖住手冇講野慢慢離開沙灘，雖然沙灘既人已經好少，但迎面總看見兩，三對情侶行過，都會用特別既眼光望我地，但我地當時冇理，繼續行出沙灘。我地好似越行越慢，我開始更同A,B十指緊扣。但始終會行到沙灘出口。當行出沙灘後，剛好有部計程車經過，咁我就放開A同B隻手去截車。上車後，我地就返酒店房間而其間我冇再拖A同B隻手。

bananahk

推推推~
入大直路喇

daniel9872

入到酒店之後。。。 :p

kraxi

引用:

原帖由 往時愉快回憶 於 8/2/2013 14:22 發表
當我講完個句話後，我地冇再出聲，仍然擁抱住。但當時我內心真係好唔開心，係咪因為我而傷害到兩個女仔，我知道我冇可能話同時同佢兩個一齊拍拖，冇可能同時擁有佢地，雖然我同佢地未開始，但一想起可能會離別，就會 ...

睇到眼濕濕....