然後有一次, 我約左朋友食飯, 食完飯我見時間差唔多. 咁我就諗住等埋佢, 踢完波....仲記得向我等緊佢既時候, 我去左便利店買枝野飲等佢, 諗住佢踢完波會口渴, 當佢黎到既時候, 佢見到枝野, 呆左....又攬實我, 同我講, 從來都冇人對佢咁好, 連阿爸阿媽都唔會......then, 我問佢, 咁"她"呢 ? "她"從來唔會睇佢踢波, 亦唔會好似我咁買野飲比佢. 我話其實好平常咋喎, 冇乜特別, 但佢已經眼濕濕 !
之前講到I先生同"她"的相處好平淡, 咁我有時都會八卦下佢地點相處....I先生會淡淡然咁同我講, 例如生日去邊度食飯都係佢自己諗, 從來唔會有驚喜, 禮物果d又係佢話想要, "她"就會買. 我聽到既時候, 真係覺得好奇怪, 我身邊d朋友都唔會係咁. 咁我又問, 咁點解你唔同佢分手 ? 佢話以為其他人既相處模式都係咁, 而佢亦習慣左, 所以直至遇到我, 至知咩叫真正既"拍拖".
一齊左一個月, 我地去左間餐廳食飯慶祝.......食食下, 佢又拎個hermes朱古力盒出黎 ! 咁我又懶醒咁話, 你又送朱古力比我 ? 咁冇新意架. 佢笑笑口話唔係朱古力, 我搖下又冇聲....結果, 我唔估喇, 直接拆開佢..........原來.....原來.......係我之前同佢行街話過鍾意既一樣小飾物. 呢個小飾物既價錢一d都唔小, 我話咁貴既野, 我唔可以要. 當然, 最後已經套左向我身上 ! 我當然好開心, 從來都冇人送過咁貴既禮物比我. 我知道佢同我一齊唔係為左我既身體, 我亦唔係為左物質 係因為大家心靈上都好夾.
終於, 有一次.....我地去左個短trip ! 真係好開心, 好難忘 ! 亦再更深體會到I先生對我照顧無微不至, 體貼既一面.
{待續} -- 下一part會有大家想睇既野, 不過都只係輕輕帶過
[ 本帖最後由 psky115 於 2012-4-28 01:50 PM 編輯 ]
