可能我真係寫得太詳細
搞到咁耐都未真正入到戲肉
不過其實我寫呢篇文既原因有兩個
首要原因當然係想同大家分享一下
唔好成日只係識睇文而唔寫故仔分享咁自私
另一個原因其實係想將當時既事寫下黎做個記錄
果日係街撞到emily之後
我先發覺原來過左幾年之後
好多當日發生既事已經開始變得模糊
我怕我今日再唔將故仔寫低
再過多兩年之後我想寫都寫唔返出黎
廢話都係少講為妙, 先回正題
emily一句"先生,你想點呀"
再加上佢一副明顯係假裝出黎既笑容
令我果下真係又怕又心虛
就即時將攬住佢腰旁隻手彈開
再雙手按住自己大脾坐到直一直
然後先回應佢既問題講左句"無野想,無野想"
心裡面勁淆底, 唔知再應該俾咩反應
我仲以為呢次一定大鑊
點知原來我係完全估錯晒
emily只係講左句"無野想就唔好係度亂郁啦"
然後再問我仲想唔想佢按埋落去
我點會唔想, 但又唔敢再亂噏廿四
就不停重複單字"想想想想想"同不斷點頭
果時佢開始係度笑
雖然我唔知佢笑乜
但好肯定呢次既笑容已經唔係假裝出黎
我見到佢呢個反應
個心先開始定返落黎
但都真係唔敢再輕舉妄動
乖乖咁合埋眼郁都唔郁咁俾佢繼續按多陣
佢再按左陣膊頭
就問我仲有邊度覺攰
我答佢話打字打到手軟
佢就話幫我按埋對手
講真我覺得佢唔係好識按
企左係我身一邊咁托起我一隻手
係度搵方法搵地方將我隻手托起先按
經過一輪左舞右舞之後
佢就叫我將手伸直
然後將我手腕位置掛左上佢膊頭上面
果個擺法其實真係幾唔自然
我就隨口問佢話可唔可以放低少少
佢唔知可以點放, 反而問我隻手可以點擺
我果時只係話俾佢知放幾高先舒服D
佢好隋意咁移我手埋佢身叫我扶住
我手扶住佢背脊離條腰上少少既位置
起初又係郁都唔敢郁
但就越扶越實
靜靜地感受由佢身體傳黎既溫暖
不過都唔係太耐
佢已經叫我將手放返落黎
叫我轉身俾佢按埋另一隻手
如是者照版煮碗
朝佢遞起左手再由佢擺放
但左手比起右手狡猾得多
當佢快要扶到emily身上時
就稍稍向下方向用力
令手放到既位置比剛才為低
佢腰部既線條大概已經可以從手上感覺得到
腰既主人無阻止
手既主人就慢慢得寸進尺
慢慢逐分逐分向下移
到最後手就移到佢腰臀之上
戰戰兢兢地係果個地方停留
手其實係唔想安守本分
但奈何佢既主人實在無膽量問佢向下移
或者指示佢做任何動作
幾分鐘時間就過去
按完時佢扶一扶我隻手示意叫我將手移開
我見係最後機會就唔想放過
手忍唔住向下游
沿住佢腰臀滑落
再到大脾近半時就俾佢用力推開左
然後扮到好嬲咁問我"你係咪想死呀!"
我知佢只係扮嬲
但都唔知點答佢
就只係笑笑口咁向住佢搖頭
心裡面想仲可唔可以趁機向佢做其他野
點知真係好無癮
佢忽然間睇睇錶話"嘩,乜咁晏架喇"
之前佢又話陪我
點知原來係一早約左朋友係公司附近等
跟住就無理我咁趕快走左去洗手間整理預備離開
果時我趁佢去左洗手間但又未熄電腦
就係佢msn留言
留左一句"好爽,好正"再睇下佢有咩反應
過左一陣佢返返自己位
睇到我句留言就回左句 "我走啦"
當我想再回佢時
佢就已經熄左機
然後就好似支箭咁離開左office
連byebye都好似無講一聲
第一次身體接觸就係咁結束左
雖然無真正做過D乜
但始終算係開左一個先例
果次破左例之後
我同佢係公司就越黎越多事情係暗地裡發生
再續
