我地當時三個人都輕鬆番，我半跑半停其實想等埋B同擰轉頭望下A。B講：我冇氣唔跑啦。我聽到後就停左唔跑，慢慢行番去B身邊，而A就追到嚟。A好似扮嬲咁，隻脚踢番d沙比我，我當然想避，但又反擊踢番d沙比A。我同A就同時用力互捉對方手腕前後鬥力係咁郁。我覺得A係有心，突然發力想推我埋B到。雖然我一定大力過A,但我會就住力因為我都驚整親A｡B唔為意，結果我就撞埋B到。B被我撞一撞就好似失平行咁，加上我地企係幼沙上，所以B想向後仆，我就出於自然反應，鬆開捉緊A左手腕既右手，去托住B個背脊，加上我當時潛意識覺得B喊得好委屈而其實已經好想攬住B,所以用力過度就順勢攬左B入我懷抱，而我左手仍拖住A隻右手腕。B被我抱左入懷佢居然冇即時彈開，B個頭仲貼緊係我膊頭上，而我就突然拉埋A過嚟用左手臂攬實A｡我估A同B被我大膽既舉動嚇呆而不知所措，我地三個人既姿勢定左五六秒鐘到。
B跟住開口講：攪咩呀你？突然我好大膽咁講：想攬住你地兩個囉。A同B都冇反抗，企定定係到被我攬，而A開始用右手攬住我背，其後B亦開始用左手攬住我背。我個頭被A同B個頭挾住，我定在三四秒後開始講：我唔想攪成咁，令你地兩個都唔開心呀。
