手術後詳細報告
其實個過程同之前各位巴打講既差唔多....不過我今次等得幾耐先有得做,2:15去到,大概3:15醫生先入黎正式開始做。
一開始佢會用個眼罩+塊紗布遮住你對眼(不過你都唔敢望啦...),然後,正如ching 所講,打麻醉針個幾下係最痛....:') 難以形容...佢唔係針吉個種痛,而係有d 野好用力壓住你下體...@_@ 我忍唔住嗌左一陣,醫生仲要話我好勇敢架(我仲係個21歲既學生ja..:smile_13: ),d 姑娘就叫我relax d...~_~
之後等左陣,佢按下我問我有冇痛,個時d 麻醉藥未完全生效,你會feel到下面比人摸下咁....再過一陣就應該冇晒感覺,佢好快會開始幫你做手術~
成個過程就完全無痛,起初佢會話部機會有d 嘈,叫你唔使怕...同埋真係有d燒烤味...ha~~不過其後中間有幾下feel到好似比針吉咁,我就即刻同醫生講有d痛,冇幾耐又冇咩野,唔再痛...
之後醫生就詁要聯埋針,我都feel到下體俾人聯緊針...但都係唔痛既~
最後醫生都係叫我去到小便再見佢~~岩岩係手術床起身時,覺得下體好似好假好唔真實咁(即係好膠咁=3=)....
而家暫時都冇咩痛,係偶然陰d陰d 咁..醫生都開左止痛藥+抑制生理反應既藥我...但今晚訓覺都好驚,怕好似其他ching咁半夜扯醒 & 出血~_~
下周一覆診...希望到時唔會俾醫生扯膠布時扯到痛啦....
講真,我覺得手術中除左個3-4支麻醉針難頂d外,基本上都唔會好痛苦...我反而覺得手術前既擔心先熬人....我昨晚訓得好差,仲好似有d感冒咁...唉...
而家捱過手術呢關,接下來就擔心手術後點護理好個傷口....希望快d好返~~
所以呢,如果各位有$ 既,不妨做激光手術割包皮....因為好似做親傳統用刀個d ching事後都辛苦d~~~:smile_42:
我就total $7014....佢係手術費$ 6000 + 藥費 $84 + 手術室儀器費 $930...不過好似有d ching 平d,total $69xx ,可能真係睇個日情況點啦....
btw,我覺得dr chan 好cool咁...ha,除左打麻醉針時同我講野分散注意力外,佢都好少出聲。仲有,我一問佢多d野,例如話我見網上做過d人點點點,佢即係話我係咪佢地?然後話個個人情況唔同...so 大家都係唔好太多野問好d...haha...個dr 好似唔太有耐性咁,冇之前d ching 話dr wong 咁親切:smile_13:
各位未割而有需要割既巴打,不妨考慮下...遲d 去做呀 ^^
[ 本帖最後由 崩尼仔 於 2009-12-7 01:05 AM 編輯 ]