KevinPo

引用:

原帖由 wwkin216 於 2009-10-16 02:07 PM 發表
佢地（at least佢地兩個）都Prefer同香港人一齊甚至結婚（呢樣同係沈船度話佢地結婚都同老鄉結婚大相徑庭），原因係：香港人有風度，唔似大陸仔禁唔識尊重女性。

佢地鍾意香港人你講左
亦有d鍾意老鄉, 原因係因為始終係自己既家鄉.

兩種既想法都好有理據的. :smile_30:

nightmare0067

加油!祝開花結果!

ferrari489

Glad to hear that u've made the decision (no matter right or wrong)~~~Anyway, wish u all good luck!!

blue4tom

引用:

原帖由 wwkin216 於 2009-10-16 12:36 AM 發表 [url=[url=http://www.discuss.com.hk/redirect.php?goto=findpost&pid=226601943&ptid=10776320%5D%5Bimg%5D%5B/img%5D%5B/url%5D] http://www.188channel.com/redirect.php?goto=findpost&;pid=226601943&ptid=10776320][/url][/url]好啦禁我交代返呢兩日發生既事。好坦白講，我而家先知道討論區既偉大力量。我一路睇，一路了解左好多曾經沈船既故事，一路既思想亦都改變。另外亦都好多謝各位留過言；PM過我，吊過我甚至乎想出手幫我既師兄，無論你 ...

樓主, 家用+房租水電煤係比硬架, 比如說:
方法一).家用2k你直接比佢, 房租水電煤管理費加埋3k你自己親手交。
方法二).5k比晒佢, 所有野佢自己攪掂晒。
方法三).問其他巴打or自己諗.

基本上4~5k呢個支出係比硬架, 而且已經係最底消費, 如果底過呢個消費既話, 呢對情侶一定會係K形發展.
好多爸打係度分享既都係前人沉船總結出來既最佳建議, 係入場卷, 係規則, 唔跟住做即係再行緊前人失敗既歷史, 跟住做就死得無甘慘, 已經係對你既最大保障, 我唔敢講無異軍, 但絕對係少數, 如果你認為你就係少數既話, 你就繼續做少數人士, 希望你成功.

正如某位巴打說條女係街度見到D學生&上班白領女士, 條女個心理會唔平衡, 你講到好似佢搵到工後會cut家用, 我真係想星把你, 而條女甘都肯掣, 你不如真係讓比我算。老細, 真又好, 假又好, 你應該同佢講 : "家用我一定每個月比硬你, 因為我真係當左你係老婆架啦。" (當然你可以講得溫柔D), 呢句說話無論你喜唔喜歡, 你都要講架啦, 上面D女全部都係要聽呢D, 你講左既話, 唔對你真心都會開始對你真心, 對你真心既話就會更加愛你, 就算佢把口死話唔要, 你都要質比佢架啦, 呢D係佢地既文化, 好女人會口話唔要, 你更加要質比佢, 衰女人緊會話好, 甘你咪知人心LO, 不過你愛佢既話都要比架啦.

而且要預早同條女講, 亦要教佢識得諗, 就算佢搵唔到工, 而家有我照顧你, 就算你唔做野只有家用, 已經係大學生既工資, 而且有你包食包住.(包食就當然指一齊食果陣), 如果佢自己搵到份工份糧寄就返老家比父母or自己淨袋儲起佢都好,(大佬, 上面2K寄返屋企, 等於你將你成份糧寄返屋企, 你話屋企人開唔開心丫?)而家用我會照比你架, 甘你一個月既收入就有4k, 比所有打工仔既收入水平&生活都係非常之好, 國家總理一個月都係得果千幾蚊架咋, 你既家用重高過國家總理既月薪云云.(你可以當我吹水無聊, 但係你知唔知做過夜場既女仔, 你要花好多心機時間+心理付導去引導佢從良架? 就算佢地有心從良, 你唔講呢D, 佢地會好自然成日諗住返夜場可以搵幾多, 人地有幾甘好等等, 你要得閒就講多D從平民百姓既正式生活去洗淨佢既思維.)

兩個人一齊生活, 你要識得引渡佢更加愛你, 你先至係可以真正得到佢既芳心, 將來既路先至叫真正有得走.
例如你叫佢學煮飯比你食, 就算你好有米, 餐餐出去大魚大肉都無問題, 你都要叫佢平日煮飯比你食, 甘佢先至會有D形勢藝, 又可以打發時間, 叫佢學煮多幾味, 就算佢唔願意, 你都要慢慢迫, 你話想食佢煮既飯, 話想帶飯返公司食, 等公司同事覺得你有幾甘幸福云云, 你比佢係呢方面付出多D, 女人好怪架, 佢煮多幾次飯比你食, 佢就會真係當左佢係你既人, 你係佢既老公, 呢樣野好奇妙架, 無論你願唔願意, 真唔真, 假唔假, 呢招我無呃你. 如果你覺得出去食先至係你既身份, 唔好意思, 你同你條女之間會少左D野, 解釋唔到比你知. (開頭當然最好你得閒就露返兩手煮返比佢食啦, 唔識咪學LO, 好事自然會跟住黎.)

搵工事宜, 外省人係深圳市搵工係好難架, 由其是去D所謂中介(Agent)搵工, 輕則呃你4~500蚊, 重則呃你幾千, 就算自己真係搵到又要有深圳本地人做擔保, 又要押身分證+押金, 好Q煩架, 你叫你條女搵工前, 你了解左未? 你唔好諗住你條女識得搵, 你要幫佢去搵架, 因為好大機會佢自己都唔識, 或者唔知深圳搵工係甘黑暗, 被人呃多幾次就好快氣餒架啦, 跟住就會覺得對你唔住, or 達唔到你要求, 所以好大壓力甘, 鑽牛角尖既話就會想離開你做返自己果行架啦, 所以你要預先做定工課, 有心幫你條女搵工就要抽時間親自同佢去搵, 重有同佢買返中專or大專畢業證, 行街warkin去d服裝店or another見門口貼住招聘就走入去試甘(你當然唔好甘傻跟埋入去, 要靠佢自己.), 如果你想幫佢搵文職就更加要諗多d計, 呢方面我都唔知道太多, 希望其他巴打出手幫到你.

又或者你搵D課程比佢讀, 化妝又好, 美甲又好, 文書又好, 去D出名D又有保證又高質既所謂培訓學校, 協助佢步入返正常既生活先, 日頭佢返學你返工, 放學後買菜煮飯比你食, 夜晚陪你SLEEP, 星期六&日一齊出去行下玩下甘, 甘佢可以輕鬆D, 而且學完有門手藝OR專業可以去搵返份工(你可以甘樣同佢講), 而且有D學校就要打卡OR手指模, 佢有無返學你一CHECK就知, 不過我都唔建議你CHECK, 因為如果佢真係有乖乖返學, 而你又有CHECK佢, 而被佢知道左, 會有反彈效果. 記住係陪佢一齊去搵呢D培訓學校, 信條女又好, 唔信條女又好, 要親手交學費比間學校, 一下自己親手比一半, 另一半叫條女返學時比埋佢交比學校, 因為我知道你有工作都好忙, 兼顧唔到, 不過有D野你點都要抽多D時間親手做. 重有, 呢D學校畢業後好多時都會幫幫你搵埋工, 但人工唔一定高, 解釋比條女知, 從底做起啦, 做耐左有經驗, 人工就會自然高架啦.(要做埋心理付導專家, 你以為沉船甘易架? 要百般武藝在一身架, 沉完你就知道你變左鐵人啦, 呢D做左都會長久D, 唔做就直頭等分手啦.)

家用事宜, 比家用都好講技巧架, 條女返夜場洗慣左既話, 你比家用時唔可以到佢手, 因為到佢手可能會兩日fing晒, 唔係講笑, 佢地習慣左, 而且洗得好自然, 無計; 所以你要親自同佢去開個新既銀行戶口, 話係用黎專出糧比佢既(記得係要講比”家用”, 唔好講話”出糧”), 入落佢戶口, 等佢羅錢時睇住自己個戶口D錢係甘慢慢少, 就自然會學識睇錢做人, 慳D洗架啦, 重有你要堅持定時定候定日子比家用, 最好係你公司出糧既同一日日子, 用多左就話大家辛苦D咸魚青菜挨下啦, 一齊等到下個出糧日子, 養成個良好習慣+美德, 唔好佢問你就比, 甘實死緊.

心態事宜, 記住中國係重男輕女既國家, 女仔係老家係比人睇唔起, 所以D女自細就容易自卑, 出左省就好驚賺唔到錢返屋企, 比屋企人+親戚朋友睇唔起自己, 比人睇唔起自己屋企, 所以出黎做野就好想賺到錢, 塊面發住光甘返屋企, 要威返次, 如果唔係就寧願死都唔想無面返老家, 你D心態你又明唔明?知唔知?

重有想話你, 叫你用QQ, 唔係叫你認識QQ呢個軟件, 亦唔係什麼QQ文化, QQ只係一個”溝通橋樑”, 你唔用QQ,唔通你會無啦啦打個長途電話是旦搵個祖國同胞聊天?溝通?談心? 甘你點知祖國同胞同我地有咩分別? 你以為度度都係香港? 話你知有個星球, 果度D人係認錢多過認感情, 果度D人係靠身體賺錢養活自己+家人+成條村, 而且係好正常. 你靠咩去了解一下? 你了都唔了解下就去果個星球, 就話人地唔岩, 你想點? 係人地星球要求人地要有同地球一樣既生活, 你又唔提供技術+金錢支援, 叫人改鬼呀? 人地星球思維同你都唔一樣, 係”唔一樣”呀! 如果比你出身係果個星球, 你都會同佢地一樣, 所以你無資格話人. 明唔明白? 其實QQ都學唔到D咩野, 而且好有張, 只係一個好過無既工具, 比你ONLINE碰下不同既人, 從中認識別人,認識別人既國家,認識別人既文化. 香港同中國雖然只係相差一條河, 但係好多野都唔同, 你到底知唔知? 要去人地星球搶人地條女, 又唔了解人地星球D女到底係想要D咩, 想D咩, 就當係地球D女甘樣溝, 你係咪死緊? 係咪底死? 底吊?

其實重有好多野想同你講, 不過的確唔方便, 因為我條女看得我好緊, 無計, 之前我玩得好勁, 同一時間可以有6~7個女朋友, 所以連夜遊區都唔去得睇, 我只有返工放工時用PDF係巴士度睇, 公司電腦又唔上得網, 想開QQ群結集呢度既各位救國英雄, 都唔知幾時攪得到, 我打算逐個PM問你地羅QQ架, 我而家可以叫做沉得幸福, 因為金融風暴前/後我叫做有少少錢變到負債10萬, 由住屋苑租2.6K吉屋, 所有家私家電自己買, 變到一無所有, 如果唔係條女唔肯走, 堅持要同我一齊, 我都唔會走去住 1.3K半家電既農民房, 走樓梯走 6 層, 好多野都唔方便, 而且買咩都要諗過度過, 不過兩個人可以叫做窮得幸福.

上面只係九牛一毛, 有心沉船大能把野比你去學&成長, 沉船係一門學問黎架, 幾個博士+石士都唔會攪得掂.
你條友仔如果同你條女行得埋, 記得請我出黎飲茶.



…

wwkin216

引用:

原帖由 rbj 於 2009-10-16 01:12 AM 發表


公起你..終於行出呢一步, 無論係對係錯都好, 最少呢一刻係開心.
我都係比咁多比我條女, 佢都冇番工好耐...... 而家就係你同佢既一個新開始啦..... 祝你地開心啦.

我睇完你個故事.. 如果到最後..你發覺佢原來 ...

ok，我如果有咩三長兩短，一定會Refer返呢個Post再Update大家！

wwkin216

引用:

原帖由 kelvinwoohk 於 2009-10-16 01:31 AM 發表
學柴九哥講,人生有幾多十年,有緣先會聚在一起,得和失都可以帶比你美好的回憶和經驗,條路點行你自己決定,當事人覺得值得就不用理會其他人的諗法因為條路係你自己,錯對也要自己負責任,祝你一帆風順:smile_o07:

好一個人生有幾多個十年，多謝師兄Support！

wwkin216

引用:

原帖由 masato1982 於 2009-10-16 01:36 AM 發表



呢D野我都見過兩次, 我之前兩個roommate 都係o甘...但唔係Chinese...係韓國妹 同埋墨西哥人

小弟覺得兩個人一齊唔係淨係I like you or You like me...
文化背景唔一樣都ok
教育背景大家差唔多都ok
思想最 ...

講多少少，其實佢都國內程度高中，之前係四川都做過兩年白班。可能係心頭高，先至出左黎夜場做…

wwkin216

引用:

原帖由 tofumann 於 2009-10-16 07:50 AM 發表
one more point from me~~

it's okay that she doesn't have much education, it's okay that she is from China...but NEVER EVER forget, she sells her body for a living.  You can simply meet a University ...

又講多少少…我問過佢原本落黎深圳想做D咩…佢話只想過黎做返好似係四川禁，係台上既Model/dancer…黎到呢度先如夢初醒，深圳根本就無呢D場…跟住就去左夜總會…見到個個都係禁…就覺得無咩所謂，人做我做（當然果時仲未同我一齊）…其實想講既係，係個心既問題…究竟你本身係想禁樣，定還是你只是受當時周遭既環境影響而做成既，我覺得如果係後者還情有可原…而且四川亦都曾經有大陸佬出到十萬包起佢一晚（佢聲稱，如果係真既大陸佬都算On9，不過要注意返四川既？色事業並不繁華）佢都唔制，岩岩黎到深圳唔知頭唔知路坐3，6，9就無問題…禁好明顯係真係被其他人影響

wwkin216

引用:

原帖由 raymond88 於 2009-10-16 10:07 AM 發表
你唔好止意囡囡自己搵工, 因為佢做開夜場心頭高, 你幫佢搵埋工吧, or同佢一齊搵, 順便睇下佢遇到咩困難, 幫佢解決

我會，我想可能請一兩日假去幫佢。不過佢話俾我聽佢都預左白班都係千零，佢識禁想，而我又有Reimbursement，佢應該都唔係心頭高果批…

wwkin216

引用:

原帖由 tamako_egg 於 2009-10-16 11:15 AM 發表


哥仔
1)你計吓自己未識佢時saving有幾多已家仲有幾多?
2)你要有俾飛心理!
3)如果真係冇野你要接受開要接受佢屋企人
4)你耍預左自己越黎越燶
5)你要預左佢電話時常收不到
6)千萬唔好要bb
7)如 ...

1，岩岩返查記錄，我識佢果時同而家既儲蓄差唔多！即係我呢8個月黎都儲唔到錢！不過我覺得Mainly係洗左同佢去D旅行度同埋答車過去行街睇戲食飯！ 2，我有 3，我接受到佢屋企人 4，我預左我越黎越？啦，遲D住埋一齊D fd叫出去玩都要林過度過先 5，so far呢個症狀唔係太明顯 6，我都開始驚，所以呢排戴返套