當時我真係唔覺得做Spa按摩係一種享受，我個腦不斷諗番以前讀大學時既野，只覺得時間過得好慢，咁耐都未按完。好不容易等先到服務員輕拍我膊頭講做完啦。隨後我沖涼換衫出番廳等A同B。我出到大廳等左陣，A同B都一齊出來。做完Spa後都已經晚上七點幾八點。我地一齊去食埋晚飯先返酒店。因為明天就要返香港，所以大家諗住食好d, 今晚我地去揾左間好d既餐館食魚翅撈飯。我地去食飯途中我感覺氣氛都係一般，好似同頭先做Spa前又唔同左，雖然大家都有講野，但都係一句起兩句止，感覺笑都係好敷衍。我地坐低叫野食，d野食陸續上枱。A突然望住我講：喂，快d挾野食比B啦，唔好餓親佢。當時張枱冇公筷，我諗住遞手叫侍應拿。A仲要講：唔駛啦，照用你對筷子挾啦，等B食埋你d口水尾，聽晒你話。哈哈。我即刻望一望B,見到B塊面面色黑黑地。我就好尷尬。B好快用好平好沉既聲音講：唔駛啦，我自己識挾。你幫A挾啦。係呢個時候我做左個決定，就係用我對筷子挾左d野食比B,跟著再挾比A。我當時我覺得感覺被玩，一時衝動火起講：挾左比你地啦，唔好煩啦。我知我講錯野啦。大家静晒冇講野，我望望A同B都垂低頭食野，B食左兩啖後，突然起身衝左入廁所。
我同A一齊望住B背影，之後無奈咁互相對望。之後我同A都冇講野，垂低頭自己食野。過左好似好耐咁，我開口講先：喂喂，B咁耐嘅，嗱，你頭先玩咩呢？你不如入廁所睇下佢好播？A好不悄咁答：你都有份，你仲咩咁好火呀？我入去睇下B點先。A跟住都入埋廁所。
