引用:
原帖由 takmon 於 2008-11-25 06:12 PM 發表 
誰人能夠定斷邊個講真邊個講假,只要不是明目張膽地賣廣告,我還可接受.
但有一樣嘢可以肯定的,就是99%開團的人只是為着個人利益而開的,我們亦可禁止任何開團活動,但相信必定有很多人反對,看看你們 ...
多謝深版既意見!
小弟既愚見，是要先明白開團既目的為何? 尤記得當初小弟在此做CDrom之時，發覺蒲開夜遊版既人士多為查詢夜店資料及行情，久而久之亦聚集一班躍躍欲試既新人，想感受下夜蒲蘭桂夜店或 disco場，又或者從前蒲開但蒲腳日漸減少，難忍無得蒲之苦人士 .... 直到有人大膽提出相約一起去蒲，此乃組團既初型! 印像中win姐亦係組團既先鋒!
後來會發覺如果出席人士眾多，book檯買大支裝酒，在再成班人除均會較便宜，但就雖要團長渣數，如此亦無可厚非!但又會發覺，當有人士決席時，定檯所需的最低消費額或有可能不能達到，團長亦要負上責任! 久而久之，每人所收費用或有所增加以防有甩抵情況出現，因此，團長開團或會變相成為有可能有利可圖的一門生意! 但個人覺得，只要團友沒有投訴，多一點點premium俾返斷團長又覺得係天公地道! 團長都要消耗大量時間，精神和體力去攪! (記得多年前win姐攪既cyber團，一晚搭部lift上落10幾次，電話打到無電, 都米話唔 辛苦!)
之後由於辦團既成功，亦吸引左班春江鴨(攪手同燈頭) 黎DnB版搵食，
有人扮成資深蒲友, 以推介party為名，其實幫自己帶來利益.....
亦有人硬銷自己有份既party俾資深團長去開團 ......
亦有無數攪手推介自己所攪既party......
亦有燈頭開團為名，帶多d生意俾自己間場為實....
亦有團長將開團變成外快，長期攪有利可圖既團.....
亦有飛頭公然放飛 .....
其實，各施各法，只要無會員投訴，一般組團活動，應該唔會為論壇帶來太大不便!
活躍於此論壇多年，邊d團背後係有利所圖，邊d係純約人聚腳去玩，一睇就知，但覺得佢地其實都係攪活此壇既一份子! 若果無甚違規，何不讓佢地為此壇忝上少少生機? 若果禁止任何開團活動的話，相信溜覽此壇人數必定驟降, 相信都到時必定係雙輸局面!
小弟以上所提及事項，都是傳聞之說在再加本人所分析的意思，如對任何人士帶來不便，小弟深表協意，同時亦深表遺憾!
[
本帖最後由 kingpost 於 2008-11-25 07:34 PM 編輯 ]
