第4集 初次見面
今晚係公司ANNUAL DINNER，我只係著左條淨色的連身裙，不過就襯對BLING BLING的斗零踭，同埋個妝比平時濃少少。著得普通老闆唔鍾意，著得靚就老闆娘唔鍾意，所以每年都好煩。
中場我去完TOILET時，見到其中一間舖的同事KEN同一個男人在大堂吹水中，個男人有D熟面口，但我唔諗唔到係邊個。見到阿KEN同佢雞啄唔斷，我經過佢地身邊時，點頭笑下，當係打左招呼，唔騷擾佢地。
「Jamie，啱啱講起你呀」阿KEN截停咗我。
「講我?」
「係呀，你有個小FANS想搵你呀」
「邊個?」
「Jamie姐姐，原來你咁靚女。」同阿KEN傾計個男人突然出聲。
「呀…你就係Jeff?」怪不得個樣咁熟啦，原來就係Jeff，不過我只係見過佢張相，所以見到真人時認唔到。
「係呀，頭先我同KEN講起想搵下會計小姐，原來佢都識你，跟住你就行過喇。」
「哦…公司又幾大丫，好多人都識架啦」
跟住我地三個繼續吹水，因為入面太悶喇，傾左十分鐘左右，同事MAY話散場之後去唱K，我地幾個都參加。
-------------------------------------------------------------------------------------------
今年我幾好彩，抽中左$2000現金獎，陣間玩完可以搭的士返屋企喇。去到K房，我同Jeff、Ken繼續吹水，原來佢兩個以前喺另一間公司做過暑期工，估唔到咁多年竟然撞得返。我又意外地發現Jeff份人都唔錯，真人冇電話咁口多，斯斯文文咁，唔錯唔錯。我地仲合唱咗一首歌。
完場時，MAY佢地一齊去搭地鐵，我就懶，準備搭的士。
「Jamie，我車你丫。今日我有揸車。」Ken提議。
「好呀!」
Ken又再問：「Jeff，你呢?今日有冇車?」
「我諗住呢邊難泊車，冇揸呀」
「我兜埋你啦。你住邊?」
Jeff講完地址之後，Ken決定去Jeff屋企先，所以就由我坐前座，Jeff坐後座。
由於離開咗其他同事，所以我地在車廂內盡情批評公司，當然，主要係佢兩個講，我只係聽，間中搭一兩句，講得太多好易變是非。
好快就到Jeff屋企，佢好似依依不舍咁落車。
「拜拜Jamie姐姐！」
「點睇我都細過你啦，唔好再叫老哂呀！」
「哈哈，拜~」
「你覺得Jeff點?」
「嗯…幾好丫，做咩?」
「做媒人囉」
「我?定係其他女?」
「梗係你啦，見係你先介紹個筍盤比你呀！」
「唔駛你介紹啦，我都識佢。」
「咁佢有冇機?」
「冇諗過呢d喎」
「諗諗佢啦！」
返到屋企之後，我沖涼時諗左一陣ken的說話，諗落Jeff又真係幾好，不過我又唔急，順其自然啦。」
沖完涼拎起電話，見到權又比左新指令我喇！
ORDER 4：買假狗
短短三個字，就令我苦惱不已，買唔買呢?買咗應該會HIGH爆，但好似我跨去另一個程度…另一個淫蕩同渴求的程度，我應唔應該行呢一步?
<待續>
我完全忘記了呢個故事...所以咁耐冇update
我最近想開始寫走甜的故事，我諗緊寫<小秘書札記>定係<我和主人的故事>
我想寫後者多D，但未諗到故事名，不過小秘書Queena同Edmond之間的事，我之前諗咗好多好多
只係想個故事簡單，唔想煩惱Queena要Michael定Edmond，所以先會有Lina出現，
但我而家又很喜歡Lina，大家比d意見啦
不過寫完可能唔喺成人版出
