搭訕
上回講到當我喺按摩池緊女嗰時，同b黎慣四目交投，而且我覺得佢地笑緊我嘅失態。
我當時只有扮無野咁唔再望佢地，但反而因為自己心虛嘅關係，又忍唔住偷望下佢地。（相信大家都明白我嗰時嘅感受，越係心虛就越想知道對方諗緊d乜，希望求証對方無「誤會」自己）好死唔死a同b又係咁時不時，有意無意咁望過黎（其實佢地係咪望我，我唔肯定，但我覺得佢地係）,之後又係細聲講大聲笑。
當時情況係a同b好似慢慢脫離佢地班group,佢地group入面其他人就圍內繼續自己傾計。
我過多2分鐘終於忍唔住佢地2條女嘅細聲講大聲笑。自己上水。
其實平時我都唔會咁怕醜，我更有可能會主動過去搭訕。但可能我當時真係狀態不佳，再加上敵我相方人數相差太遠，而且唔知佢地同d仔嘅關係，所以搞到我唯有落荒而逃。
上水之後喺個按摩池旁邊有個類似雲石地台嘅空間，睇過說明，原來係塊地台係暖嘅，可以俾人訓喺上面。呢個地方其實就喺按摩池隔離，但由於中間有d柱，加上佢高咗一級，所以除非專登望，否則係唔會見到對方。但距離上係可以聽到另一區嘅聲音。
我總之離開佢地視線範圍就得，所以我就用下呢個暖石床，趴住咁訓。
訓下訓下，過咗無耐，就聽到按摩池嗰邊有動靜。好似好多人上水嘅聲音。隱約聽到佢地約時間集合，我諗應該係佢地返房沖涼換衫再出去食飯。
之後就聽到一班人喺我身後行過，心諗呢班人終於走，我都無回頭望，繼續叭喺度享受我嘅暖石床。
班人行過咗之後過咗無耐，我諗大概5分鐘左右，我耳邊突然有一把好嬌嗲嘅女聲，用台灣腔嘅國語講:你光著身子躺在這石頭上面不冷嗎?
我當時無回頭，因為我自己一個人黎，無可能會有人同我講野。點知過咗5秒左右，把聲再響起講:怎麼人家跟你說話都不理人呢。
我呢下就回頭一下。一睇，就係a同b兩個人係我後面。。。
