其實由食lunch到dinner, 我地都冇拖手.....但係因為第一日date, 所以我自己就心諗住, 呢日就係我地既開始. 其實大家亦冇開口講話一唔一齊果d, 但原來佢亦都心入面記低住呢個日子.
之後我地有去睇戲, 因為太趕, 只係去左supermarket買左三文治食, 食完就入場, 全程....佢望住我多過望住個螢幕. 我問佢望咩? 你黎睇戲定睇女仔? 佢話, 我好吸引, 想係咁望住我, 視線唔想離開....睇完之後, 我地去左公園傾計....
走既時候, 佢唔知仲乜撞到隻腳, 我即刻好緊張咁攬住佢, 我聽到佢心跳得好勁.....而我個心, 當然都卜卜聲咁跳. 果時公園冇乜人, 全世界好似得反我地兩個咁, 攬住左成分鐘, 靜晒, 跟住我鬆開佢, 大家塊面都紅紅地, 問佢有冇事.....跟住佢就送我去搭車. 今次, 佢有送我反屋企.....搭車既時候, 襯佢唔為意, 我輕輕鍚左佢塊面一下. 佢搭住我膊頭, 叫我累就恰陣.....佢又吼我唔為意, 輕吻左我額頭一下. 送到我反屋企門口, 佢好似唔捨得我走咁, 攬得我好實....結果我望住佢搭lift走, 我先反入屋. 我一路再同佢sms, 問佢....頭先點解向lift口唔鍚落黎, 佢話, 唔知我鍾唔鍾意, 唔想我有hard feeling, 如果我唔想既, 佢唔會做......我向度傻笑......
{待續}
