首先多謝咁多位留言及睇過呢篇故事的巴打的支持.我講過呢個唔係一篇食QQ女的報告,唔會有太多性愛描寫的場面,但如果將親熱的場面完全刪去,咁會令呢篇故事失去完整性,巴打們可能會睇到一頭霧水,不明所以.所以我會非常小心地拿掐描寫的尺寸,在故事的完整性和不傷害小盈的情況下取一個最好的平衡.
第二集: 北上找小盈
上集講到我在QQ上 “邂逅” 小盈,聊過一晚後就急不及待地約佢出黎.小盈在網上叫我幫佢搵男朋友.大家都知道,如果一個陌生的女孩同你咁講,可能暗示叫你做佢bf. 我應承佢或者佢叫我幫手搵男朋友,彼此都清楚係打情罵悄,我地大家都未見過面,點會話一出黎見面就拍拖呀?我一直都冇將呢件事放在心上,一心諗住佢出到黎先算.
我同小盈從QQ上聊天到見面前彼此都未見過對方的樣子,我唔開視頻係因為無謂佢見到小弟副 “尊容” 嚇親佢啦,我俾佢見左佢仲會出黎咩?我諗佢即係關視頻兼踢我落黑名單都似.我份人就係咁,我唔開亦唔要求人開,大家公平d.
但我小簡「警告」各巴打,約QQ妹出來見面時, 千萬千萬、一定一定要先開視頻睇辦.我唔理你俾唔俾QQ妹睇你自己,但對方的樣子你一定要事先睇清楚,雖云一般情況下視頻比真人靚,至少我約咁多個QQ妹都係咁.但睇過視頻,心中有個底,即使真人同視頻相去甚遠,亦無恕無悔啦,係咪?
如果唔睇視頻就出黎會點?小弟有個辦俾你地睇.唔講咁多,去片!
先介紹一下小盈先: 湖南唔知邊度人,在電話傾談中她的白話(廣東話)不太正,幾重的口音.呢次電話中的傾談係我約佢見面前打的.小盈係一間好細好細的理髮店的老闆娘,與其說是老闆娘,不如說她是“股東”更合適.她跟幾個男同鄉一起夾份開理髮店.該理髮店不是在東門,在羅湖東面一條城中村開的.邊度唔講啦,呢個唔係重點.
我果日下午食完lunch,趁老闆唔喺度,公司冇王管,又碰啱淡季冇乜野做,就偷走上深圳了.出發前一日我已經約好小盈,做理髮店下午一般都比較忙,所以我預計佢有一半機會放飛機,心諗如果係咁最多去dup骨算啦.佢約我下午三點tea time在東門茂業百貨門口等.東門我以前去過,從99年到04年間我去不超過五次.但這兩年,我去東門的次數及頻率,多過我出旺角、尖沙咀n咁多倍.誇張d講句,如果我識倒立的話,我倒立合埋對眼倒轉行我都識行呀.我身為香港人,真係悲哀!
我上到東門茂業的時候,係下午2:45. .QQ妹有一個壞習慣,就係永遠等你到達目的地後,佢地先從屋企起程.我講多一次,係永遠等你到達目的地後,佢地先從屋企起程.即使你在香港出門口前打電話約定佢地點時間、即使你在羅湖站臨過關前再一個電話confirm,總之你唔到左目的地打電話俾佢,佢係唔會出門口的.
小盈係咁、小雪係咁、我現在的女友係咁,就連我約嘅其他QQ妹全部都係咁.
佢地成日以為香港人會放佢飛機,其實我地仲驚過佢地啦.我地山長水遠上到黎,一來一回起碼七八十元,佢地出來都係幾蚊雞啫,又點會玩野喎.
我去到打電話俾小盈,小盈先從店舖出黎.在呢段期間,我又開始幻想小盈的樣貌身裁啦.有睇過小弟篇拙作 “戇男台北奇遇記” 的巴打,應該會記得我幻想Niki的樣子,我當時估Niki長的一般般.
而小盈呢?我估應該長的不錯、身高有165cm左右、皮膚白晰、樣貌娟好.點解我咁估?
第一,小盈在QQ上自稱「自己長的絕對不醜」,加上佢以前經常落D、落bar,出黎玩嘅女仔應該醜不到那裡去吧?
第二,我在過東門橋時,望見東門茂業百貨上一幅超巨形的海報,去年六月去過東門的巴打應該記得,海報中人是李湘,她為一家化妝品牌做代言人.李湘何許人也?她是湖南人,國內的著名主持,去年湖南衛視的超女就是她和何炅做主持.
李湘漂亮與否見人見智,不過我心諗既然小盈自稱「自己長的絕對不醜」,又係蒲慣之人,再加上和李湘同是湖南妹子,應該不是豬扒掛?
結果係點?我等左一陣,手機突然響起…..
「喂,阿簡呀?我係小盈呀,我到左茂業門口啦,你喺邊呀?」小盈打電話給我.
「我到左啦喎,茂業門口嘛.你著咩衫架?我著白衫.」我在電話中說.
「我著黃色背心囉,我見唔到你嘅?」小盈說.
我立即上下左右前前後後慢慢scan一次,唔見有著黃色背心、身高165cm,身裁苗條、皮膚白晰、樣貌娟好似李湘的女仔喎…..
正當我準備再問的時候,突然樓梯下一個黃衫少女向我揮手,嗌左聲:「你係咪阿簡呀?」
下集預告: 糾纏
[ 本帖最後由 簡東拿 於 2006-5-25 11:39 PM 編輯 ]
