往時愉快回憶

我地輪流入廁所換衫整理，A同B話叫我換衫先啦，佢地話女仔有排攪。我就首先入廁所換衫，兩三分鐘到就攪掂出來，B跟住入廁所換衫梳洗。A當時整理緊d頭髮。B入左廁所閂門後，A就望一望我哈哈笑咁講：你攪掂晒拿。我猶疑咁答：著埋鞋未得囉。A跟住指住我個頭講：你有冇梳頭架，個頭好似打完風咁，亂到七彩。當時我好尷尬唔好意思咁答：頭先游完水洗完頭係咁架嘛。A扮憫憎咁講：比你激死，你坐低係度啦，我幫你整整。我唔知點解咁聽話就坐係床邊望住A，A就係梳妝枱攞起佢用緊支啫喱，吱左d係手，跟著行到我面前，A雙手卒幾卒就揸晒d啫喱落我d頭髮喺到卒。A講：拿而家未好睇好多囉。我答哦，跟住起身諗住去望望塊梳妝鏡，我起身面向塊鏡望鏡時，A突然從後攬實我，A兩隻手就緊扣係我條腰，個頭就拓左係我右膊上。當時我同A都係同時望住塊鏡，所以我好清楚見到A含蓄既微微笑容，而A既體香亦再次撲入我鼻孔。A細細聲係我耳邊講：家吓未靚仔晒囉，嘻嘻，傻瓜。跟住我從鏡反影望到A正合埋雙眼，個樣好陶醉好甜，個頭就緊貼係我條頸同膊頭之間。突然我地聽到擰廁所門鎖聲，A即時鬆手，我同A亦同時分開，A就走埋床邊攞起d衫褲，準備入廁所換衫，B就剛好出到來。我就呆呆咁望住塊鏡整頭髮。當我從塊鏡反影望到B時，我個心有種好亂好不知所措既感覺，點解同時間地有兩個女仔都對我咁好，心裡覺得自己好衰好難受，點解會攪到佢地咁。

正當我發呆諗緊野時，B就用手拍一拍我膊頭，令我嚇一嚇，彈一彈起。B跟住講：仲咩呀？你仲諗緊我頭先同你講果番說話呀？咁好諗咁多住啦，去玩啦。我答：冇諗緊呀。B接住瞇瞇笑講：喂，我送俾你份禮物有冇收埋好呀？唔見左就唔睬你。我答：梗係有啦，收埋好啦。跟住B突然用雙手捉住我隻右手上臂，好用力咁鏈左下，當我擰頭望番佢時，B已經放手轉身，行左去拾出街用品。我見B拾野，我都拿拿淋睇下有咩拾，準備出街。過多一兩分鐘後，A都係廁所出來。我地就一齊離開酒店去做Spa。

jamiestone

第一

天使煌101

努力努力繼續努力..!!

couplelover

引用:

原帖由 往時愉快回憶 於 2013-1-30 03:44 PM 發表



師兄你既留言寫得好好呀，我睇完你寫後令我更感觸，我會慢慢交代事情細節。

師兄，其實我都有好多往事。。。。。只係唔知點去打出黎
只係我女人接受左我過去。。。。。。。

開頭睇你呢個Post,我冇期待過係咁吸引坦白講。
開頭我比A吸引去點玩你。。。。。。
但當去到B送禮物比你既時候，我個心唔知點解會拿一拿住。。。

引人入性呢板的確好耐冇咁吸引既Post,
有情既性好吸引。。。而且不自覺咁代入去
但你連做都未做就帶左我入去，勾起我過往一段既難忘又酸既回憶，

互相捉弄，調情，猜度與發自內心既關懷。。。。。
往往令人難受又繼續。。。。。縱使可能沒結果

雖然你未交代你自身現在感情生活係點。。。不過我會等的。


暫時睇到呢到....
以下係我自己估既.....
雖然我未知你故事往後發展係點，但我感覺你返香港後
你應該會冇比表示B....只KEEP住做朋友...
慢慢地B亦離開....而你A同之間....可能拍過下拖
但我諗你應該鐘意B多過A......

希望到你最後更新時.....能夠知道答案

[ 本帖最後由 couplelover 於 2013-1-31 01:27 PM 編輯 ]

kimliml

樓主夾在兩女之間真是有點似倚天屠龍記的張無忌！

往時愉快回憶

引用:

原帖由 couplelover 於 2013-1-31 01:20 PM 發表




師兄，其實我都有好多往事。。。。。只係唔知點去打出黎
只係我女人接受左我過去。。。。。。。

開頭睇你呢個Post,我冇期待過係咁吸引坦白講。
開頭我比A吸引去點玩你。。。。。。
但當去到B送禮物比你 ...

師兄，每次給我既留言都會有另一番體會，感觸。
感覺師兄文筆實比小弟好，如果師兄出post肯定勝小弟數倍。
師兄可能有難言之忍，當然小弟可嘗試代筆，但原則下唔希望影響到文中主角或影響到你日常生活。
不妨可以同師兄傾傾經歷，一定比小弟精彩。





[ 本帖最後由 往時愉快回憶 於 2013-1-31 01:45 PM 編輯 ]

couplelover

引用:

原帖由 往時愉快回憶 於 2013-1-31 01:43 PM 發表


師兄，每次給我既留言都會有另一番體會，感觸。
感覺師兄文筆實比小弟好，如果師兄出post肯定勝小弟數倍。
師兄可能有難言之忍，當然小弟可嘗試代筆，但原則下唔希望影響到文中主角或影響到你日常生活。
不妨 ...

曾幾何時出過...但唔吸引
始終女人出一黎比較多人回...而且我喜歡睇女人出POST刻劃出黎果種享受性愛既感覺....
往往由細帶出.....再由內帶你入去

我係呢板都有一段既時間....有幾位師姐既文我有留言...有不停追過...
我咁講唔係話其他人寫得唔好.....只係佢地所發生緊...或者發生過既往事....個背景都似曾相識
因為佢地都係人妻

呢個A/C 我女人都知...佢都有一齊睇POST...雖然唔多...但有幾個POST我都會叫佢睇

但你呢個POST....男人出POST都咁細膩....一黎可能我都發生過咁上下
二黎你當時既表情真係好得意...


人愈大...愈懷絢過去..
遺憾既過去...帶來一絲絲唏噓的回憶

酒.....能帶走嗎?:smile_o03:

元顏決

師兄  我開左呢個ac都一段時間  真係好少出聲 做左引版cd rom都幾年 睇到你篇文章 真係忍唔住log in番 留個言比你  你真係寫得好好 係公司做緊野都睇到我好想睇落去   俾心機 一路會追你既文章~~~~

jenben99

師兄你好，小弟我開左個A/C都好多年，一直都只係做CDROM，好間唔中先會留下言，但你呢個帖真係寫得好好，我一直都有追緊，次次你一有UPDATE我都忍唔住留言比你以示支持，希望你加油繼續寫落去！:smile_o12: :smile_o12:

誰家柒頭無lin摸

我都有類似經?:smile_39:
可能無施兄你錦複雜，但都夠我一世個心都銀住銀住，唉，後悔都無用既感覺好難受:smile_39: