訓落床, 個腦係咁轉, 好似好多野諗, 又好似無野諗, 人要向前看, 我明架, 但我睇見前面好崎嶇既路, 我就好想停一停....另一方面我心入面又有好多野想做, 好似好趕時間咁, 以前浪費左太多了....:028:
有好多野想同一d人講...:093:
你, 多謝呢段日子係我身邊, 上個星期既今日, 我真係好驚, 多謝你既關心問候, 你令我覺得我唔係一個人去面對, 我有力去做我應該做既事, 我唔會放棄, 有得就有失, 我唔理我無左D咩, 反正我所得到既就已經比左好大既回憶我, 感覺好真實, 再多謝你容許我任性, 成日煩住你, 你無嫌棄我就夠開心了! 話你知, 以前既我好快返黎, 我唔會再做個大喊包, 放心啦 :027:
你, 同我講過, 叫我信你, 希望我對人可以有返信心, 你成功了, 多謝你, 我唔知係唔係對個個都有信心, 至少對你既信心一日比一日多, 真係好多謝! 更多謝你令我認識左好多...... 唔係你, 我諗我已經...
你, 好多煩惱吧, 第一日同你傾計, 我已經失禮人, 個晚你扶起我, 依家我知你有野唔開心, 我都好想幫下你, 你可以任何時候搵我, 你當我係朋友既就同我講心事啦, 有用得著我既地方, 唔好客氣, 認真架:023: 振作, 調整下, 再向前衝, 支持你
仲有你, partner, 我諗你都係睇唔到多, 識左你, 我生活改變左好多, 日日都過得好充實, 退一步諗野會唔同左好多, 你幾好嗎? 一直, 你都唔多講你既事, 其實你過得好嗎? 哈哈, 我知你識到我就應該過得好好啦:071: 我地一齊拍左上, gogogogogo....
大家都加油啦:083:
[
本帖最後由 火鳥1230 於 2012-2-25 11:11 AM 編輯 ]
