獅兄真係為呢度付出唔少心血，做完功課，又要睇盤，唔對路又叫停，仲一直解答各位既問題，今好服務態度劉華都要收檔 。
由之前我地講笑話狗狗睇實呢度，到依家獅兄落注唔順暢，肯定左狗狗真係到實一實，都說明左獅兄既做法係方向正確同成功，奈何狗狗唔改正反而錯上加錯，將錯誤歸咎係人地身上，行為係相當可笑 。試問去餐廳食野，會唔會截住唔俾客落單，到俾落單個下會轉價錢今度？
阿山同獅兄玩波仔既起點都係世盃，但係獅兄身上學到既野實在太多 。由淨係識玩走地，到自己睇大世界盤做功課，專攻亞盤，可以話由零開始到有，好多好多都係獅兄言教身教既得著 。
一直都諗獅兄日日今出心水，都應該休息下，或者依家就係時間 。何況依家有m兄，e兄同kelvin兄撐場，獅兄原本想多啲人用更醒目既方法同狗會玩既目的已經一定程度達到，獅兄借機會退居幕後小休都係件好事，證明佢所做既野係有收穫 。
既然獅兄話左會繼續留係度，希望以後更多機會向獅兄學習學習 。永遠都係個句，學到幾多都係自己 。
再次感謝有心既獅兄同小氣既狗會為大家提供一個相遇相知既機會 。
[
本帖最後由 山城守 於 2014-8-25 01:45 PM 使用
編輯 ]
