尼采的情婦

引用:

原帖由 bubuubee 於 2013-7-24 09:07 PM 發表
阿bu係尼采fans!
啱啱post完文過嚟支持尼采先！

哈哈哈多謝呀bu支持
因為篇文太長
所以我會分開兩節，
費時你地眼殘 LOL

尼采的情婦

我曾經提及過，我地每個人，都總係唔想比人撞見既時刻，撞見最唔想撞見既人，
而我就曾經發生過兩次。
第一次係同 D 係蘭桂坊，第二次，
好諷刺地，亦都係中環。
我同D去食飯，
餐廳個日岩岩好會派個一種好似雲彩一樣既棉花糖，
而臨走前，個侍應送左一個比我，
仲同我講 “係藍色，第二個無架。”，
攪到我忍唔住不斷傻笑。

由細到大，可能因為太平凡，太唔醒目，
我從來無比人優待或者注意過；
世界，從來都只有外表討好既人話曬事。
係學校，只要你外表ok，身材好，
其他人就會變成狗公，無論個人性格幾差都好，
都會娘娘前，娘娘後，從來唔需要害怕孤單；
係網路，只要你post一post事業線，
又一炸狗公出現，為左條線而顛倒是非。

唔好話咩性格好個d bullshit，
admit it，你同埋我，都係外貌協會既會員。

因為從來無比人優待，所以，如果人地對我好，
就算係好細微既事，我都會記住，而且好感動。
藍色既棉花糖如是，留言同我吹水既讀者如是，林耀國亦如是。

“女人真係易氹，講句：得你一個人有架炸，就開心到飛起。”

我同D走出餐廳，行落斜坡既時候，
D搣住我塊面講。

“o甘易氹，又氹唔到我隻豬？”
“我由始至終都無氹過你。”

佢答，我唔知道，
依句究竟係sweet，定係算寸緊我。
因為我唔識回答，所以我將棉花糖質到佢個嘴到，
係空氣入面，洋溢住一陣虛假既甜味。

佢咬左淡棉花糖，
然後捧起我塊面，貼住我既嘴唇，
將個d已經融化到七七八八既棉花糖塞入去我個嘴度。
佢條利好強硬，個kiss亦都好甜；
係條街上面，好多人來往，
有打算食完野落club既人，亦都有飲醉酒既鬼佬，
所以依個車輪打得好急，好快，亦都好激。

“屌你做咩將d糖塞返落我個口度呀？”
“除左你，我唔鍾意其他甜野。”
“。。。。。。” 我沈默左三秒。
“拿！依d咪叫氹咯，腿腿子！”

甜蜜左幾秒，D又變返平時賤賤格格既 D 。
太甜，有時候，反而太假。
D 架車停係斜坡中段，
而我係度笑佢扮有風度幫我開車門既時候，
我對眼不經意地望到停係對面街o個架車既車主。

林耀國。
或者正確d黎講，
係林耀國一家。
林耀國係個好平凡既中年男人，揸既係好平凡既車，
著既係好平凡既衫，有一個好平凡既老婆同一個好平凡既女；
但係，係我生命入面，佢並唔平凡。
D發現到我呆左既目光，亦都望過去對面街，
而對面既一家人都感受到我地既目光，
望住我地。

烚熟仔

引用:

原帖由 尼采的情婦 於 2013-7-24 09:38 PM 發表 我曾經提及過，我地每個人，都總係唔想比人撞見既時刻，撞見最唔想撞見既人，而我就曾經發生過兩次。第一次係同 D 係蘭桂坊，第二次，好諷刺地，亦都係中環。我同D去食飯，餐廳個日岩岩好會派個一種好似雲 ...

死啦，我就你你文中所講嘅bullshit啦:smile_o03:
指話性格好個d bullshit:smile_o03:

iamaslut

引用:

原帖由 尼采的情婦 於 2013-7-24 09:38 PM 發表
我曾經提及過，我地每個人，都總係唔想比人撞見既時刻，撞見最唔想撞見既人，
而我就曾經發生過兩次。
第一次係同 D 係蘭桂坊，第二次，
好諷刺地，亦都係中環。
我同D去食飯，
餐廳個日岩岩好會派個一種好似雲 ...

好似做戲咁好彩 咁都撞到/～\

尼采的情婦

“o甘岩既，林耀國。”
我笑住叫左聲，唔知走唔走過去對面街好；
望落去對面，並唔係屬於我既世界，亦唔係我應該去碰觸既世界。


我從來唔會叫佢做林sir或者林先生，
而係叫佢全名，或者叫佢呀Sir，
依個，係我小小，無謂既堅持。


林耀國無答我，而係笑住揮左揮手，
我唔知道，個揮手係代表 hi 定係 bye，
定係兩樣野都唔係。
佢o個個差唔多一歲既女都對住我揮左揮手。


佢地一家過馬路走左過黎，然後同我地打招呼，
似乎想寒暄幾句。
佢成日都係o甘，
未經我同意就擅自走入我既世界，
然後，又未經我同意就擅自離開。


“林耀國，D。D，林耀國。”我介紹。
“你好。”D露出禮貌既微笑，然後點頭。
“啊你好，依個係我老婆同我個女。”


林耀國既附屬品們微微一笑，
由林太太既眼裡，我睇得出，係一陣好奇同疑惑。


“我係尼采，係林耀國既學生。”
“教左你o甘多年，都無叫過我做林sir。”


林耀國笑左笑，
o個種係爸爸特有，無個女o甘好氣時會露出既笑容。
我地傾左幾句，內容好空白，
空白到，我空白既腦袋唔記得左係咩。
臨走之前，林耀國個女似乎想食棉花糖，
而我毫不猶疑地，將藍色棉花糖塞左落細細既手入面。


佢媽媽同我講多謝，然後鬧左佢個女幾句，
話佢做咩搶走人地既野食。
太太，我一直都想搶走你既幸福，
你仲同我講多謝？


“乖乖地喇，尼采。”


林耀國係告別既時候，再次摸一摸我既頭。
好溫柔既摸法，比起 D，仲要更加溫柔既摸法。
每次係我答岩條數，係我發夢既時候，
林耀國都會o甘樣摸我個頭。


我曾經希望，佢淨係會對我無好氣地笑，
淨係會摸我個頭，林耀國，
淨係屬於我一個。



係車入面，我望住林耀國既身影走落斜坡，
就好似無數次一樣，慢慢消失係我眼前。


“洗唔洗喊呀？” D 一邊揸車一邊問。
“癡線，揸車喇。有咩好喊？”


“洗唔洗買多枝棉花糖呀？”佢又問。
“都唔係頭先個枝。”我忍唔住咬唇。


“洗唔洗食識噴漿既朱古力香蕉呀？”
“死開。”


我鍾意林耀國，
因為我知道，我永遠都得唔到佢。
D 成日同我一齊，
因為佢知道，佢永遠都破唔到我處。


我地永遠都希望，
永遠依個字，會有一絲細微既破綻，
哪怕係小小都好。


我明白，
我鍾意既，係o係課室裡面教我書既林耀國，
而唔係真實生活，有老婆同個女既佢。


我笑左，好似傻仔一樣忍唔住笑，
我係度幻想，會唔會有一日，我揾度第二個老師，
然後成功同佢講 “呀Sir，我特登留翻塊處女膜比你架”。


係依度，依個唔關呀Sir，
亦都唔關處女膜既故事結束。


但係，係現實，係電腦外面，
故事仍然要繼續。
林耀國仍然繼續教書，而佢最近生多左個女。
D 仍然繼續調戲良家婦女，而佢最近剃左光頭。
我仍然繼續揾我既呀Sir，而我最近，其實覺得光頭都幾charm。


我依個，只不過係小小既香港入面，
無高潮，無露出，
亦都無SM，無巨乳，
無 J 圖，無激情，
一個小小既故事。




我落左D部車，繼續走我既路，
正如你關上依部電腦，繼續，走你既人生。






《END! YES THIS IS THE END MOTHER FUCKER!》

Cherfans

終於等到林耀國出場~

烚熟仔

哇。埋尾去到咁感性嘅:smile_41:
不過咁幾好丫。需要on9時on9，需要感性時感性:smile_52:

TingTing_123

忍唔住要登入留言比你！難得既好文，無論以後點，順其自然啦，不過相信你應該會同呀d一齊：p

bubuubee

終於追完喇
有時真係好慨嘆…

mii0v0

咁講落D都唔差xd
我特登開ac留言support架!!
個故事好正^^