病咗幾日，遲咗出post……
之前由於fred不斷咁約我出去，我就決定係安全嘅情況應酬佢，就係同佢食餐飯。原本諗住著得求其啲，但係果朝要開會，所以都係著番條裙。果晚六點幾放工就去咗佢 book 嘅某酒店中菜廳。去到先知原來k同佢秘書都黎咗香港，仲有fred嘅大陸客陳總。k嘅秘書唔係上次果個，今次係個後生女，睇落仲後生過我，叫Maggi。
同過大陸人應酬都知佢地鍾意飲白酒，但係唔係法國果種，而係大陸果啲，其實係好勁嘅烈酒，成陣酒精味。我不嬲都唔飲酒，當然無同佢地一齊飲。但係 maggi 就有飲，可能因為佢同k打工，要俾面老細掛。
我睇得出maggi唔係應酬慣嘅人，講野又陰聲細氣咁，跟正k依位老細，真係替佢擔心。食飯時佢地3個男人傾啲野都幾悶，好彩maggi坐我隔離，我地就自己傾偈。原來佢係華僑，所以識廣東話，啱啱畢業出黎做野。佢話佢男友好擔心佢返工無耐就要同老細出 trip ,我都有提醒佢要小心啲。我當然唔想佢遇到我之前果啲惨事，但係又唔想嚇怕佢，所以無話俾佢知。
Maggi 同我講聽日 fred book 咗架遊艇，請佢地遊船河。maggi 唔想得佢一個女仔對住幾個男人，問我可唔可以陪佢去。其實我都唔想對住果三個佬，不過更加驚小妹妹唔識照顧自己。撞啱又係公眾假期，無野做，所以應承咗maggi。
跟住我問 fred 聽日係咪boat trip, 我去埋得唔得，點知班人又亂講嘢。
K: Fred, 我都話pauline miss you，佢話要同你去boat trip。
我: 我陪maggi 架咋。
K: haha, pauline仲係鐘意講大話，我估你嫌上次未玩夠，諗諗下想揾番我地。
Fred: 唔好再講啦， pauline嬲架
K: 陳總，pauline 小姐的皮膚很好，滑溜溜的，這方面 Fred 最清楚。
陳: Pauline 小姐，還沒有認識你。找個機會跟Fred 一起來我的廠房參觀，讓我招持你們。
陳總一邊講一邊伸手同我握手，但係佢又懶熱情咁，隻左手又捉住我隻手，係度摸我手背，搞到我起哂雞皮。
我見到 maggie 聽到有啲尷尬同埋驚，我就同佢講啲男人把口係咁，唔好理佢地。
食完野佢地仲係咁飲酒， maggi 都好似醉醉地， 佢地又係咁叫我一齊飲，我半推半就地飲咗啲。原來都有啲果香味，但係落到喉嚨就好灼熱。飲完一細杯其實都無乜事，可能食咗野打底，而且唔想佢地係咁隊maggie, 所以就幫佢飲多幾杯。點知啲酒力過咗一陣先到，個人暈暈地，我合埋眼，聽到人講野，但係起唔到身。
過咗唔知幾耐，我聽到 fred 話車我返屋企，好彩我仲講得出我住邊。一上到車我就恰著咗，醒番時架車已經係屋企樓下。 Fred 話見我瞓著咗，所以停埋一邊，等我瞓多陣先。我諗我有少少斷片，好彩Fred 無帶咗去唔知邊度。
Fred問我駛唔駛陪我上樓，我梗係話自己ok 啦。佢叫我小心啲啦，我臨走前佢講咗一堆野，又話我瞓著覺嘅時候好靚，又話我今日嘅香水好香，不過我無理佢就落咗車。
番到屋企先知道已經差唔多成一點，我諗我喺架車度瞓左成個鐘。即刻沖涼瞓覺，準備聽日遊船河。
今次多得 Fred 無乘人之危，對佢有番少少好感啦。
P.S. 又有人pm 問起，我 delete 咗啲 post 內容無乜好睇，只係俾fred 同K 抽水，同埋有次唔理性地同人有啲唔應該有嘅關係。其實過程一啲都唔浪漫，加上諗諗下唔想將啲醜事公諸於世，所以 delete 咗，睇過嘅人就當無見過啦。
[
本帖最後由 paulhk329 於 2015-7-5 10:55 PM 編輯 ]
