第一次上黎呢度, 用既唔係而家呢個account, 而係當時男朋友個account。
2008年某月, 成班朋友去玩, 識左A, 佢細我2 年, 嚮我心目中佢真係一個小朋友, 雖然個時我都唔係好大個, 但係... 女仔係會成熟D 架嘛
傾開計原來佢係我附近返工, 之後就開始多左見面同食飯。
雖然當佢係小朋友, 但係一個小朋友成日約我食飯行街, 都會有D 自豪
而且唔知係有意定無意, 佢間中會拉住我隻手快行, 搭我膊頭, 睇戲會坐得好埋, 講無心跳感覺都係呃人既
什至有一次一班人再出去玩, 玩到好累一齊坐巴士走, 我同佢理所當然咁坐埋左一齊, 個程車都要坐大半個鐘, 我地又累累地.... 所以... 有D 睡意.... 唔知佢有心定無意啦..... 佢個人慢慢咁挨左落我度... 而我.... 就係有意地順勢又挨落佢度訓
個感覺真係好sweet, 不過成程車無訓到, 因為硬左... 條頸
雖然大家都有d 瞹眛, 不過我依然唔覺得佢係鐘意我既, 直至有一次情人節, 佢朋友生日, 叫我陪佢一齊去慶祝, 主角當晚收花時, 佢突然問我要唔要收花, 話送比我, 我依然當佢小朋友講笑, 可能佢見到我覺得佢講笑, 佢有d 唔開心行埋左一邊, 我想唔住行埋去搵佢問佢仲咩事, 點知, 佢突然迫我埋牆... 雙手圍住我唔比我有機會行開, 佢行前左一步貼近我, 塊面湊近我... 望住佢離我愈黎愈近, 我緊張到個心跳得勁快, 雙手忍唔住放嚮我同佢之間, 想制做返少少空間出黎... 佢終於出聲, 佢話"你塊面紅左喎.... 我鐘意你呀"
諗返起, 都覺得好青春
:smile_47: :smile_47:
年紀輕輕既我地唔知會唔會做d 令人眼突既事呢?
寫住咁多先