多謝師兄提醒
之前師兄post
http://www.188channel.com/viewth ... 98493&extra=&page=1
朝早照舊搭地鐵去羅湖過關, 到羅湖站月台電梯上去出閘時, 見條北佬開門沖左去一個背囊友身後一齊企喺電梯, 條北佬有心用身體遮住個背囊等後面d人睇唔到佢做咩, 見佢手有郁動, 北佬再轉身望望四周, 千鈞一髮比我喺個人堆中既一條視線望到個背囊已經被拉開拉鏈(果時我離條北佬相差六七級電梯距離), 根住好快又比北佬遮住左……, 到上到地面已經唔見左呢兩條友……..
終於知道點解過羅湖關成日見到d師兄背囊打開左仲未知發生咩事~~
明搶暗偷界埋袋都見過, 都係果句小心財物!!!
-到而家都唔明點解d師兄北上仲要用背囊? 明知山有虎? 唔信邪?
-側袋都唔好飛喺身後扮型(呢d喺h.k.做啦), 幾老土都好, 用手夾住喺正前方. (身邊有朋友只係將個袋順勢飛左喺後面10秒, 記得轉返過黎已經比人界開左 – 事發地喺東門)
-小偷取易不取難, 背囊呢d加個扮野既鎖好咩都好, 總之唔好望落都知一拉就開.
-實則虛之, 帶袋都唔好將成副身家擺晒落去, 你帶住個袋d賊目標就係你個袋, 將貴重野袋返落前褲袋(手機/銀包), 個大袋裝安全套/水/姨媽巾/八婆雜誌好啦.
-深圳通街都係賊, 唔好諗住有人幫你/拯救你(人地都怕死), 幫你果個都可能係賊(天仙局?), 咩人都唔好信, 淨係可以信自己!
