今次賽事都算均勢,今次揀了兩場重心場次及一匹博注單WP對象既馬。
第3場 4班 1650米 (40-60)
今場狀態較突出馬匹係「8.喜得龍」「9.旅遊大使」;其次「4.駕喜」「6.好友益」「7.十分醒目」「10.金碧光芒」「11.盛勢」
而馬膽揀左
「9.旅遊大使」- 同父馬「首飾多寶」「你好馬」都可應付泥地及交出頭馬。而前仗初跑泥地一哩,轉直路彎已被頭三名走甩;而且睇片亦見柏寶哥哥飛出沙田「啤酒園」又黎半痞半騎姿態下衝近,差啲可追入P。上仗賽前雷神過檔已見馬匹狀態甚佳;但增程千八配雷神兼成公眾熱門;可能跟前左亦同一哩步頻唔同下末段後勁欠奉;可當回氣一仗。今仗抖返三十五日;賽前亦有試閘功夫走勢輕鬆;狀態仍可保持。雖然今仗排十檔好似無乜快馬咁,但勿忘牠曾在谷草中段變奏贏馬,又或者此馬喜歡大外檔追趕;好似「特獎」上場贏馬模式;所以排外檔走位更靈活。有息息相關馬在大熱,博佢翻兜。
「10.金碧光芒」- 季初谷草一哩贏馬亦是46分,而且該組別水準絕不曳。加上今場無乜步速,排好檔如用贏馬時跟前戰略,或可賺形勢而馬房明晚手馬亦不差,小心初跑泥地配合而來。
「8.喜得龍」- 晨課彊口愈來愈放鬆淡定,今仗初出一哩有點考驗,幸好快馬唔多,佢有短途速度應可守前置或自造步速減少氣量要求。
「11.盛勢」- 狀態係多跑之下已跑起,但一路報住短途。上仗初跑此程雖賺快步速但始終發力點太遲;復課韋達都親操四課,排檔轉好未必要留咁後。可以博佢進步。
「4.駕喜」- 四連勝後,狀態一直低沉,而分數亦漸回順;前仗同程輸唔遠。今仗賽前快試戴上測呼吸機,似乎想仄準馬匹狀態;有點博殺味道,故博冷腳。另外如想搵無厘頭大冷腳可吼「7.十分醒目」雖然狀態未算最好,但有轉倉變數加上同父馬「雲呢拿」亦是能地好手;最近試閘騎落唔斷得哂;所以雙T或四重彩冷腳可以加入考慮。
第5場 4班 1200米 (40-60)
今場狀態較突出係「2.開心旅程」及「4.必博」;其次係「1.勇冠多」「3.情意相投」「6.英才」及「8.喜菜」
馬膽則揀了
「2.開心旅程」- 季初狀態未夠一路熱身減肥兼減分。大前仗跑此程後勁相當,亦視「必博」無形。中年馬可能唔襟博用兩場谷草回氣。晨課拍跳亦見騎師放長彊十分肯走,馬身飽滿。馬房聽晚手馬似有心抖夠復出;呢匹轉倉未交代,戰意更無懷疑;強配炒飯哥,希望早段迫得隻馬起唔駛留咁後。
「4.必博」- 上仗已介紹牠做冷品;非常積極搶前放頭僅僅落敗,表現已十分好。復課內圈見馬身仍狀,神態活躍;係稍驚配雷熱上加熱及十日前力拼之後趺磅。所以只作次選。
「3.情意相投」- 上仗突走樣,未知是否體力用多左。今仗賽前練馬稍給牠較長時間休息再復課,復課仍見有爭勝水準而且夜泥亦曾勝;加上馬主近期當旺下仍可拖一票。
「1.勇冠多」- 三歲仔可能仍處於反覆期。復課無大不妥;今次用眼罩有變數及可令質新馬更集中。始終呢個馬房咁早階段就贏馬,相信能力不上如此。
「8.喜菜」- 上季尾曾在此程入位,兩仗熱身後,今仗賽前快試,開步闊有勁。季中曾小休賺體力亦是此程的範圍。
第1場 5班 1200米 (0-40)
博單WP對象揀了
「3.大收成」- 此馬彊口及脾氣問題影響表現。此馬在來港初期已跟高班馬在泥閘試得好;同父馬「真好漢」「機緣再現」遠至退役的「正隆」及「旗幟鮮明」都可以勝任泥地。今仗小休三十八日,泥閘跟前亦試得輕鬆;上文提到何廄聽晚手馬似乎有心部署休後而臨。四檔起步有機跟試閘一樣擺前跟「飛霞」或「好友心」之後的好位。不過此馬表現都唔算太穩定,所以只冷吼牠WP。
JackyRacing 2017.04.05 沙田八場夜賽各場提供(紅字為晨課勇馬膽) |
第1場 | 3.大收成 | 6.漸信名駒 | 2.飛霞 | 10.永恆光輝 | 9.好友心 |
第2場 | 7.特獎 | 2.想贏就贏 | 4.風采 | 1.連利進寶 | 5.智有心得 |
第3場 | 9.旅遊大使 | 10.金碧光芒 | 8.喜得龍 | 11.盛勢 | 4.駕喜 |
第4場 | 10.勇晉神駒 | 11.大爆發 | 2.駿瑪 | 4.五星特工 | 7.大道至公 |
第5場 | 2.開心旅程 | 4.必博 | 3.情意相投 | 1.勇冠多 | 8.喜菜 |
第6場 | 5.太陽旺旺 | 8.海都巨星 | 7.仁愛之星 | 3.真好漢 | 2.越感 |
第7場 | 1.翩翩 | 8.盈利駿馬 | 12.騰龍超影 | 9.馬克羅斯 | 4.藍天堡馬 |
第8場 | 1.嘉應之友 | 5.傾心星 | 6.神舟小子 | 12.都靈明珠 | 7.勁精神 |
[
本帖最後由 balljai923 於 2017-4-4 07:00 PM 編輯 ]