火再起時 - 最终回＂裸女＂

收藏 | 訂閱

37 9.9k

等待驗證會員

31^# 大中小簡繁發表於 2016-4-9 只看該作者

(六)前因

屋邨街市。

一大班肥師奶，一袋二袋，左穿右插。

菜檔老板望住兩個肥師奶，打咗個眼色：『買冬筍吖！Ｄ冬筍靚呀Ｄ冬筍！』

師奶A：『食冬筍？麻鬼煩！又要批皮，又要洗心！』

菜檔老板眼神有鬼，細細聲：『好野嚟㗎.....好補㗎！』

師奶A一時間呆咗一呆。師奶B若有所悟，似乎收到料。

師奶B：『係唔係㗎？我都未聽過嘅！』

菜檔老板細細聲：『買斤返去比你老公試下，你咪知囉！』

師奶A如夢初醒，眼中似有一道超人死光射向果幾隻可憐嘅冬筍：『點賣㗎喂？』

..............

屋邨冬菇亭。

冬菇亭永遠係一個資訊交流嘅平台，係一個解決困難嘅地方。

師奶B飲咗一啖檸檬茶：『喂！乜阿肥佬呢期餵你唔飽咩？』

師奶A：『唉！個衰公近排都唔知做乜！成日話自己年紀大咗，力不從心，又話上個月有個同事爆咗血管，個身形同渠差唔多！......』

『唔係掛！你老公平時有冇做開運動㗎？』

『平時就冇，不過個衰公近排一食完飯就着對波鞋死落街！話怕死喎！食飽飯要去公園行下喎！』

『咁神心？！』

『係喎！』

『咁照計Ｄ體能好咗應該交到貨㗎？』

『係喎！』

女待應聽到呢度，终於忍唔住：『喎話吳械！』

師奶A：『吓？你又知？』

師奶B急忙用手肘撞一撞師奶A，打咗個眼色。

師奶A即時醒悟，個眉心Gen咗一道超人死光射向個女待應，喺渠塊臉同個心口之間來回掃射..........

師奶B硬堆起一臉笑容，語氣變得潑辣：『乜依家你好了解我地Ｄ香港男人嘅咩？』

女待應酸溜溜地回身走開。

師奶A：『喂......你話我老公會唔會晚晩借Ｄ二走咗去偷食？』

師奶B：『唉！第二個我就唔敢包...........』

(鏡頭慢慢橫搖向遠方的公園，焦點變得模糊，公園裏的音樂愈來愈大，一首＂青藏高原＂原來可以那麼刺耳.............)

欲知後事如何，且聽下回分解。

廣東-蠻子

等待驗證會員

廣東-蠻子

32^# 大中小簡繁發表於 2016-4-11 只看該作者

(七)裸女

黑夜。

鏡頭返到去阿Chris個大廳。

黑夜總是重覆着，彷彿白天只是一個又一個的陪襯。

Jenny己經不用再等。

如果死亡是一種必然，那麼，你與期每天去抗拒它，也許不如主動地尋找它一次，拋下一句：『I got you，I know where you are！』然後盡情去生活。

Jenny臉上滴着淚。

Jenny動人的胴體無力地吊在半空，只剩下一條繩子將她的頸項與這個世界連繫着。吊詭的是，那條繩子如果斷了，她便可以回來。那條繩子如果不斷，她卻彷彿要永遠的去了。

.............

屋邨冬菇亭。

『阿大！掂喎！掂過碌蔗呀呢次！』阿10號仔興奮的呼叫聲在亭中響起。

『點呀？阿肥婆有冇跪低呀？』阿Chris啜了一口奶茶。

『咁又唔使！渠應承我去減肥，減到變返舊屎咁樣，咪得囉！』

『吓？』詩人放下手中的龍虎豹：『咁呢期咪輪到你老婆晚晩落街去做運動？』

『咦？係喎！.......』

...............

999報案中心。

『喂！喂！係...係唔係...9...99呀？我隔籬屋有個女人吊頸呀！』一把師奶聲驚惶失措咁響起。

『乜野＂狗...狗狗＂呀？＂狗＂係比你養嘅！＂狗狗＂係比你個女養嘅！我地呢度係999報案中心！..........』

電話收線，只剩下那個女警的聲音迴蕩於報案中心入面：『哼！死八婆你同阿姐玩野？！！！』

..............

黑夜。

阿Chris間屋。

警察加消防員破門入屋。

大廳窗口位掛住一個矽膠裸女公仔，一頭金髮，腰幼腿長波又大，下半身重滴緊水㖭！只見渠一雙朱唇若啟若閉，眼神似夢似醒，眉宇間似乎要射出超人死光.........

『哼！我地依家要告你擾亂社會安寧罪！同埋依家有理由懷疑你臧有攻擊性武器！麻煩你跟我地返差館！』

『阿Sir，你有冇屌錯西呀？』

(片尾主題曲徐徐響起，七十年代家計會果首宣傳歌＂無謂追＂，之不過改咗歌手，由公園大媽主唱：-

.......
無謂J！
無謂J！
J得豆，也未B巧！
J唔豆呢，谷壞腦㗎！
........

<- 完 ->