按摩池
話說我入到去按摩池區又巧遇班人,於是的起心肝厚住面皮入到去。我都唔去望佢地,就跳入個按摩池入面。揀咗一個比佢地距離遠少少嘅水尞設備用下。一路浸一路有d水力按摩小腿,都幾舒服下。
正如喺熱泉嗰邊嘅情況一樣,一個人浸温泉,又無人同我傾計,可以做嘅就只有四圍望下。由於佢地人多吵鬧,好自然就會望向佢地嗰邊。
呢個時候,佢地班人都好focus自己玩,而我又無野做,咁我就靜靜地觀眾下佢地做d乜。觀察之下,當時佢地總共3男5女,1個男人年紀比較大,大概40幾歲左右,另外2個男嘅我目測30歲左右,同我咁上下大。5個女仔驟眼睇年紀差唔多,應該都係25,26左右。當然我都係純粹靠估。男人我無乜興趣睇,雖然當時對班女都無特別諗法,但異性相吸係天然定律,我都係將視線集中喺嗰5個女仔身上。
其實佢地5個其中4個人都係著bikini,除唔有個比較大份d唔係著bikini之外,我隱約記得著bikini嗰4個身材都係唔錯。講真,對自己無信心都唔會著bikini。老實講,小弟睇女仔首重相頭,即係個樣。正如前文所言,呢班女有其中2個都幾睇得下。所以我都係集中佢2個。另外3條女真無乜印象,話記得都係厄你。
呢個時候我同佢地毫無瓜葛,當然唔會知佢地名。為方便大家閱讀,姑且叫嗰2個靚女做a同b。當中a就係喺我買泳褲嗰時同我點頭打招呼嗰位。
我一路有時望下天,有時望下個池,左望右望又望返佢地。佢地之間一路有傾計,嬉戲,大笑。完全摸唔清佢地之間嘅關係。
Long story short,我都唔知自己咗幾耐。突然又黎一個四目交投,不過今次唔係a,而係b。由於今次對方著住bikini,我唔想俾佢覺得我緊佢(雖然我真係緊佢地),所以我好快就望向另一邊。
之後就聽到佢地喺到笑,當然我無可能知佢地笑緊d乜,可能我自己作賊心虛。我硬係覺得佢地係笑緊我。