俾你自己, 男人, 同個B 三日時間
樓上講得岩, 男人係有權知道, 同埋你停藥中出不報一事某程度上係呃左人一次,
有心亦好無意也罷, 錯事可一不可再。
同樣道理, 生命誠可貴, 天無絕人路皆電影情節, 仲係好濕狗果隻,
現實, 尤其是今日香港, 自己一人生活倘且捉襟見肘, 將來仲要同人搶奶粉搶尿布搶學位,
一個弱質女流, 點搶?
呢個係計算機會率問題, 就眼前可見嘅跡象; 當然如果男人願意合力照顧, 則屬後話;
否則以閣下一己之力, 到底俾到"似樣"生活俾個b 嘅成數高d, 定係俾唔到嘅成數高d 呢?
計算同時, 還要意識到最終出現嘅狀況, 極有可能係一個不可逆轉嘅現象,
意思係話除左有幾大機會發生之外, 仲要考慮壞情況發生之後, 可能係再冇solution 可以解決嘅可能性。
三日之內, 如果男人果邊ok, 閣下絕對可以當上文未曾出現過;
但萬一從該男身上得不到好消息, 我建議你當機立段, 斬草除根, 以絕後患。
呢個唔係叫easy way out, 係叫審時度勢, 兩權相害取其輕。
總之在法律許可情況之下終止懷疑, 對各方都可能係最好結局, 你冇咩需要內疚。
世事往往係一個循環, 上一代自己活得唔好, 俾唔到好嘅根基下一代,
然後下一代學壞, 下下一代又重蹈覆辙, 禍延千秋萬代。
如果你執意必佢出黎, 又萬一俾唔到好嘅環境好嘅教育俾佢, 佢長大成人, 繼續害人,
相信輪迴報應的話, 你嘅罪孽會比落此一胎更加深重。
本人謹此陳詞
