上回講到發現肚皮有紋之後點......
講咁耐我都仲未同佢大家講下佢做咩，佢係看護咁既職位（總之係醫院做啦，做老人家），佢返工時間係要通頂輪班制，佢比我大3年，佢差唔多接近3字頭。
去完長洲後，我地亦真真正正一齊左，雖然自己知道有好多迷一般既問題未解開。
日子都係咁過，平日放學或者得閒就會去爆房去解生理需要，而係一齊冇幾耐，佢同我想比一個驚喜我，係我追問落去，原來佢話為左我去吹樂器，到我生日時吹比我聽（個刻真係好開心，好sweet）.......而佢亦都暗示過我買啲好既樂器，又話樂器班啲同學佢地用緊個支裝樂器既盒有幾靚，幾好，叫我買。（我心唸，女朋友無計，佢開心咪得lor，又唔係啲咩野）咁我就揾朋友訂左返黎。
平時就一得閒就接佢放........
而A開始將佢真正個一面正式SHOW出黎
A係岩岩一齊個時，佢同我講過佢好耐無去過旅行，大約十年。
我就答應左佢，先去個短遊，所以選擇左去「澳門」，我亦都訂最好既比佢，咁去幾前日，佢話想同我齊浸浴，所以佢自己一個去買啲香油同浴鹽啦（咁好情調，我開始唔記得佢既一啲問題，因為已經陶醉左拍拖既感覺）
第二日返學，佢係差唔多放學時send左個wtapps比我，話一陣個個朋友接佢，我又問佢：
「佢其實係邊位，可唔可以唔見？」
A：「唔得，佢同我識左好多年，我當左佢好似屋企人咁，放心無事，我會盡快返到屋企」
我：「好啦，小心啲」
放學後，又係見到個架7人車接佢，咁我就無唸咁多，就去藥房買藥比佢，知道佢鼻敏感，而放係佢屋企門口，亦希望比個驚喜佢（每一次送佢返屋企時，佢都吾比我送埋佢上樓，雖然佢講過幾樓幾室）
個一晚我買好哂，放埋上佢屋企門口，我突然間想知道個個男人係咩人，係我正正準備離開後，見到個架7人車開緊係樓下，我拿拿聲去揾個暗角位睇下咩料。
佢地終於泊左係樓下，我個刻打緊比個朋友現場直擊，因為我怕自己睇到啲唔知咩，自己開車撞上去，做傻事。
個一刻，我見到個A從前座從波箱位中間爬去後面，而個男人亦到去埋後面坐，個一刻我再睇唔到車入面情況，只係見到佢地既身影坐到好埋，因為好黑，隔左大約20mins左右佢地從車出黎，然後東望西望好似怕有人見到佢地咁，然後佢地就入左去公園（因為佢住居屋，個公園需要拍片先入得去，所以我入吾到去）
我又再一次目送佢地走，我好似發緊夢咁，DLLM！夠竟岩岩咩野事啊！我朋友好緊張我，我同佢講之後再打返比佢。係走時，我影記底左車牌同行車證（我相信有車既師兄師姐知道哩兩樣野，就如身分證一樣）我就記低就send左比個朋友幫我從合法法律途徑check check，最後我帶心勁痛既感覺走左。
可能大家會問我，點解會忍吾留低睇埋落下，因為我知道我再留底，見到更激既野，真係出事。所以我朋友一直叫我走。
我返到屋企，我send左個wtapps比佢：「我全部睇到哂」
大約隔左半個鐘，A終於覆我：「對唔住，我見到你放門口既藥，多謝你，你岩岩見到口啲咩？」
我：「你自己知」
A：「件事唔係你唸咁，傻豬，聽日係碼頭見，我親口話你知咩事」
我：「好，早抖」
其實個刻我只係唸，屌！比佢捉左我條路，因為訂好哂野，臨時臨揾邊9個同我去，我又唔想浪費，所以我落街買左幾罐啤酒，飲完拿拿聲訓教，如果無飲酒，我一定訓唔到，最後我訓着左。
待續～～～～
[ 本帖最後由 TTMLOVE 於 2014-9-3 11:08 AM 編輯 ]
