話說我係網上識左B, 同佢傾左好多日先決定同佢去睇戲，個日好難先同C請到假出去，B親自揸車黎接我，上到車有小小唔自然，因為好少同陌生人單獨一齊，佢不停聊我講我男朋友d野，問我係咪好鐘意佢所以比佢管住晒，咁梗係唔係啦，我係仲接受到先會咁，去到戲院買左張ticket就入去睇戲喇，成套戲我地都無咩講野，直到睇完先講左少少戲ge內容，之後見肚餓就一齊食晚飯，一入到去餐廳，C就急call, 問我幾時返去，佢想黎揾我，我唔係好想咁快返去就話食埋飯先，佢就好心急咁話一定係同男仔啦，做咩呀，佢想溝你呀，一輪咀問左好多野，我都唔係咁想理佢就收線，入返去B感覺到係我男朋友打比我，問要唔要送返我返去先，我就話唔駛喇。跟住我地就叫野食，佢叫得好少野，我仲以為佢咁瘦會係個d食極都唔肥ge人，原來唔係，相比起我好似好食得咁，食到唔好意思，又要食得好急趕住返去，食完佢就車左我去男朋友屋企附近，返到去佢即刻攬實我，係咁見我唔好接受其他男仔，佢好愛我唔想無左我，但係我開始感覺到佢係想完全佔有我，唔比我同其他朋友出去，我唔係好鐘意咁ge拍拖方式，之後好一段日子都係淨係同佢一齊。有一晚B打比我，問我係咪仲鐘意C, 我話無咩感覺，日日淨係同佢一齊，邊度都去唔到，B就叫我同佢分，唔好再係咁落多，佢都覺得C太過份好似禁固我咁，叫我揾過第二個仲好。
其實我都想分，但係又唔知點講好所以拖到咁耐，可能我唔想做主動話分手個個啦，再咁落去都唔係辦法，唯有唔同佢一齊咁多，多d同朋友出去玩。
