多謝各位收看前文
不過我打字真係好慢
同埋好多中文字都唔太記得點寫
要大家等得太耐的話請唔好見怪
樓上有位師兄講得無錯
再續唔係只有下半部
其實我都未知要幾時先可以寫完
不如先回正題
當時我係果間公司做野
前後計落真係唔夠一年
而有事發生都係後半年時間
Emily同我起初真係唔熟無乜幾句
而且佢係我眼中並唔起眼
樣貌平凡,矮細腳短
而且佢都真係一個頗為粗魯既女人
我當時既女友,或者話我喜歡既類型
差幾乎同佢係完全地相反
而我係佢眼中亦唔係有咩特別
係佢口中我係屬老土果類,而且身型太瘦
佢本身男友條件比我好得多多聲
所以好可以肯定咁講
我同佢一開始就係無咩存在互相吸引既條件
但後來我地又居然可以瞞住大家另一半
係公司度偷偷地搞埋一堆
我同佢開始有野講
都係因為有日放工撞見佢同我另一個舊同事食飯
再發現大家原來曾經係同一間公司工作
彼此之間忽然間多左一些大家都認識既人
果時仲未有facebook
所以係當時黎講呢個都算係個幾大既發現
就係咁我同佢開始多左話題
有時無乜野做會企係佢位附近飲下野講東講西
發覺老細唔太高興時就會改用枱頭電話再講埋落去
又或者用msn一邊扮做野時一邊傾下閒計
初時我地傾既話題大概都係正經野居多
但後來越黎越熟
唔太正經既話題亦漸漸出現
不過佢始終係個女人
仲要係同佢日日踫面
所以初時我都怕會搞到大家尷尬而有所避忌
唔會樣樣野都講得太明顯太細節
只不過有時講佢唔明時佢又會繼續追問
或者叫我唔想直接講就係msn果度打出黎話俾佢知
我想大概都係由果陣開始
msn就慘被淪為我同佢之間既色情頻道
我同佢係果度既對話越黎越變得肆無忌憚
由聊別人既東西開始慢慢再聊到各自既身上
各自既身材大小體位習慣經驗都有聊過
佢好似變成左我係msn入面既cyber sex partner咁
但當大家一回到現實
我地就會變得好乖咁唔再講呢D事
因為有D野有時已經實在係講得太明顯太直接
彼此之間係虛擬世界製造出黎既慾望
似乎已經開始慢慢咁泛濫到現實世界當中
係有其他人在場既環境還可以裝作若無其事
但每當只有我同佢單獨相處既時候
氣氛亦會變得有點尷尬起黎
有時說話都已經唔知應該由何說起
佢會面紅, 我會耳熱
有時都唔會太敢互望對方
終於,紙包唔住火
下次就講我地幾時開始有身體接觸
