兩年半前男友識咗第二個女仔，所以我提出分手；分手都無話好唔開心，始終佢對我都唔係好。於是就玩 apps 搵人傾吓計，開頭都識咗幾個傾，但傾傾吓唔係咁啱傾第二日又喺地圖上篤篤吓就搵到 K，見佢張相斯斯文文又靚靚仔仔咁就同佢講聲 Hello；咁我又無再理過，因為都唔期望佢會覆或者即刻覆，幾個鐘之後再開個 apps 見佢都覆咗句 Hello，咁我即刻回佢一句你好呀，佢再 send message 嚟話不如 whatxapp 傾，就係咁我俾咗個電話號碼佢。
佢又真係 whatxapp 我喎，最搞笑就係佢話佢 send 錯 message 俾第二個女仔，叫個女仔靚女，好彩對方無理佢；果吓我就覺得呢個人幾得意，佢又好風趣幽默再加上佢做果份工都幾冷門就更加有興趣同佢傾落去 (因為行頭好窄，所以不便交代佢係做咩工，請各位見諒)。
自此之後我哋幾乎日日都傾，一傾就係幾個鐘；兩星期後有一晚佢突然打電話俾我，果日我好攰，所以都只係同佢傾咗幾句就收線 (佢把聲比預期更好聽)。之後當然繼續不定時咁 message 啦！亦都因為一個 game 就轉咗去 Lixe 度傾，又成日 send 啲得意公仔嚟 (當中無傾過三級嘢)，而佢份工要返 shift 所以大多數都係佢 message 我我先覆佢，因為唔想打擾佢工作或休息。
傾咗差唔多一個月佢就約我出嚟食飯，約咗喺 MTR 等，一見到佢真人同張相都係一樣咁斯文靚仔，仲幾高吓 (6 呎)。初頭諗住一齊搭車去食嘢，點知佢叫我跟佢一齊係去停車場攞車！:smile_40:
揸車去到佢原本諗住食果間舖頭先知休息，就去咗另一間食日本菜，揸車途中大家都好多嘢講，亦都知道佢同我同年，到餐廳坐低繼續雞啄唔斷咩都傾一餐；我講0既嘢佢又附和到，佢講0既嘢我同樣附和到，又好有默契咁一齊笑，成餐飯氣氛好好，我哋就好似啲好多年無見0既老朋友咁。埋單時我問佢幾錢夾番錢俾佢，佢話唔洗。
之後佢提議遊車河，我無異議，途中都係繼續傾 (都唔明點解可以有咁多嘢傾)！:smile_30: :smile_30: 經過一間糖水舖佢問我想唔想食糖水，我就話好呀但要我請，始終佢請咗我食飯我請番佢食糖水都好應該，再去附近公園散步，佢問我今晚可唔可以玩過夜，我話唔得呀第二日仲要返工，之後再遊多陣車河就車我到屋企樓下，果時已經係零凌十二點幾，咁啱音樂播緊我偶像周杰倫0既歌，佢就話聽埋先走，咁佢就順便去埋入油再兜幾個圈先送我返屋企，我落車果時見到佢0既表情係好唔捨得架！:smile_40: :smile_40:
[
本帖最後由 中女Baby 於 2016-8-21 01:21 AM 編輯 ]
