月影偷情

引用:

原帖由 鴻略 於 2023-10-25 19:20 發表

你提到的幾場都有正路重心，尾場三班千二勝意龍回到贏馬評分，稍麻煩是有未嘗敗績的錶之銀河轉泥地增變數，未出賽前試泥閘已見好，外祖父血統擅泥，馬房正路，贏也正常，唯賠率偏低。


另講幾場。第二場原班馬不吸引，博兩匹四班下 ...

尾場三班千二錶之銀河轉泥地增變數，未出賽前試泥閘已見好，外祖父血統擅泥，馬房正路……

搭隻希斯果隻 快快盈 啦!😌R 8 : 買2-5-8 都唔錯!🤭

[ 本帖最後由 月影偷情 於 2023-10-25 21:16 編輯 ]

KIRIN688

引用:

原帖由 月影偷情 於 2023-10-25 21:14 發表


尾場三班千二錶之銀河轉泥地增變數，未出賽前試泥閘已見好，外祖父血統擅泥，馬房正路……

搭隻希斯果隻 快快盈 啦!😌R 8 : 買2-5-8 都唔錯!🤭

希斯睇嚟都係靠舊馬搵食 新貨完全唔得
星期日跑谷戰

講尾場先 其實都係精彩生活 中華英雄同駿行星三雄鼎立但鐵角不符成本效益  秤先駿行星因為處上升期至於點買各有各睇法

第二場三班二千二 呢日腎虧潘有幾隻餐士唔錯 其中一隻就係都靈福星 早有此程根據而上場重重受困用力唔多 個二檔幾好跑 Q腳就係跑兩場逐漸上力嘅勁駒 依家千八至二千二係射程範圍 八檔反而可以因應形勢走生位 至於天寅合一 睇怕要變化地幫手先可以喺呢度突圍

第八場四班千八 之前揀左白頭佬嘅勁駒 呢場就要佢另一隻飛來勁 打風取消就改跑呢場谷千八 勝在有一檔加腎虧潘 上返四班贏就未必但三甲應有 Q腳一舖到位同樣都要跑際遇 唔留得太後有機
第七場戲肉老字號杯賽廣東讓賽杯二班跑一千 呢場雖然得九隻跑但1,2,4,6呢四隻靠搶放食胡必然有快步速 就搏兩隻三升二嘅Q 四季醒跑谷一千係路程專家 跑法又機動 除非腎虧潘搭完飛機返嚟又手軟腳軟另計 Q腳方面要明心知遇 跑法明顯係短途後上馬但上場91場次田草千二居然不留而放難明 本場咁多子彈快馬搶放應該唔會再做蠢事燒埋一份
PS：星期六播覺士盾呢場G1喺澳洲先係真正跑馬王 揀三隻 當然要返浪漫勇士 跑完東寶錦標後今次準備相當充分 戰意肯定無可置疑 次選反而會揀古摩軍團派嚟嘅永多利道 上年贏BC兩歲賽後受傷抖到今年八月先出返 古摩軍團太多馬要分散投資最終派呢隻今年用得少嘅馬過嚟 雖然莫雅今次唔落去但用薛恩無乜所謂 歐洲中距離馬落到澳洲跑分齡讓磅中距離G1基本上打橫行 年頭譽滿杜拜已經係例子 再揀就要就嚟掛靴嘅岳禮華座騎獲獎無數 明顯乾快地特佳唯一挑剔就係滿利谷一檔唔易跑

[ 本帖最後由 KIRIN688 於 2023-10-28 18:03 編輯 ]

KIRIN688

至於秋季天皇賞 今年得11隻跑應該怕左衛冕嘅春秋分 買條四重彩指定位置 春秋分同先見複膽一二 勝局在望同野田猛鯨複膽三四 另外保險注買多條兩蚊複式四隻
PS：都恭喜獵人成帶隊贏左場連魔頭做唔到嘅覺士盾 呢場勝仗應該可以提早講定本季香港馬王

[ 本帖最後由 KIRIN688 於 2023-10-28 18:30 編輯 ]

鴻略

引用:

原帖由 KIRIN688 於 2023-10-26 05:05 PM 發表
希斯睇嚟都係靠舊馬搵食 新貨完全唔得
星期日跑谷戰

講尾場先 其實都係精彩生活 中華英雄同駿行星三雄鼎立但鐵角不符成本效益  秤先駿行星因為處上升期至於點買各有各睇法

第二場三班二千二 呢日腎虧潘有幾隻餐士 ...

近來馬匹表現不似預期，幾匹泥閘快馬真跑竟然都差一大截，草地贏完輸死人的包裝伯樂轉泥則遠勝草地。

尾場我的看法不同，精彩生活評價同上仗一樣，評分漸盡，仍會近但賭Q不考慮。首選電子傳奇，此程四班三勝的專家，上季轉跑田草連千六都一亞一季，已再進一步，回到谷草對手大幅減弱，實力佔先，上仗路短落敗不太遠屬正常，熱身兼散熱會見真章，前領跑法可克服12檔，精彩生活稍留較佳，估計不會與其搶位，就算二疊都夠爭。最強對手是好如意，今季田草三仗水準穩定兼跑法彈性，前仗千六季軍水準相當，抽得一檔跟住前領馬，形勢極佳，亦有贏面。兩匹升班馬，中華英雄同駿行星，前者上仗沿途佔盡內欄之利取勝，未有拋離，對比形勢不利的三班指標的皇者驕傲，實力未見大差異，上三班暫時就算高過皇者驕傲些少亦不足爭Q，放棄，駿行星上仗慢步速外疊而繼續贏得輕鬆，似有較多進步，保險腳。

另講頭場，勝利鐘聲上仗一千追得勁，過去千四曾近，今次增程應更合，若進度穩定，可爭勝。天時明駒上季兩度在同程輸近，落班有好檔，有得爭。中華威威是退步中的爛船，上季落班同程以為贏得，但臨門乏力只得第四，今次再減幾分而對手看似減弱，跟多一次。


其餘即場有時間再評。

KIRIN688

星期三繼續谷戰 經過尋日十場日馬後仲要無壓地 加上用最窄C加3欄 中外檔啲地肯定更好跑 三場三班單棍
第三場嘅一千連雅典武士退出埋得七隻 再追帖木兒 今季可以頻密出賽仲成日追近證明健康好轉 又見輗多福肯定前面狂放 馬少場合易走位 Q腳方面韋賊嘅電氣騎士跑法相比帖木兒係簡單又易發揮 搵得鍾仔減磅夠哂助力 吊著輗多福入直路就好搞

第八場預計亞機拉大熱但贏馬加磅後今場有同樣放頭搵食飛輪步 步速未必啱跑 先要大學生 暫時谷戰先有競爭力 上場入彎早發力個段速咁快仲頂到尾睇嚟開竅 呢場檔位繼續好跑 Q腳方面諗一輪決定要久休復出嘅超超比 的確右後腳成日有事操左一輪又停下 係近期獵人成開始做辣功夫壓迫隻馬 呢場估有步速幾好跑 始終上季贏嗰場四班係彈甩贏唔敢輕視

尾場鈁糖武士同威武覺醒再同場但前駒重配廢柴騎師磅位差距再拉開 騎開熟哂繼續追 威武覺醒嗰場俾前駒彈開再孭133磅應該都係得個近字 搏冷追天天得樂 上場初出但退出不過好快出返嚟跳應該影響輕微 跑開千四靠fresh嚟谷千二 未必有贏面但睇下有無得搏大霧走入二二三三

[ 本帖最後由 KIRIN688 於 2023-10-31 21:56 編輯 ]

鴻略

引用:

原帖由 KIRIN688 於 2023-10-30 09:31 PM 發表
星期三繼續谷戰 經過尋日十場日馬後仲要無壓地 加上用最窄C加3欄 中外檔啲地肯定更好跑 三場三班單棍
第三場嘅一千連雅典武士退出埋得七隻 再追帖木兒 今季可以頻密出賽仲成日追近證明健康好轉 又見輗多福肯定前面狂 ...

帖木兒蝕位太多僅追不及。感覺現在冷門難中，熱門又熱而不穩。

簡單講第六場。較有賽績支持是1-2-3-5-8，高份數不似硬淨到可抵銷12檔，先放棄。國士無雙有內檔通常有好表現，先揀。馬有運屬追寶尾，上仗難評水準級別，但今次檔位仍幾好亦有獨放優勢，有分頭則兼顧。多利神駒三班頭馬落四班，檔位稍差，正氣青驅目前評分常近而無威脅，換小將減磅有變數，檔位則不太好，未必騎出水準，且是大熱，不如博多利神駒。

KIRIN688

星期日朝越洋直播兩場BC賽事
草地大賽跑哩半 歐洲大軍喺呢場馬戰績彪炳 而今屆古摩軍團派三隻角逐 其中一隻波爾明走下坡可以不理 主力必然係主帥莫雅押陣嘅多產巨匠 英皇錦標表現失常但返去愛爾蘭就贏冠軍錦標 抽檔適中而古摩喺過往呢場馬都威水 派得過去唔會遊馬河 對手之中FRANKIE再騎鋼鐵大王 呢隻馬哩半唔係唔得 但首本路程應該係二千 而且贏冠軍錦標後只隔得兩星期休息就要過加州 回氣時間夠唔夠係一大問題 寧願要返跑埋今場就退役打種嘅瞄得對 上場冠軍錦標場地問題寧願唔跑 過到嚟加州呢啲乾快地啱哂佢 三重彩腳本來要翩然舞姿但退出 唯有改要另一隻歐洲馬 上場凱旋門衝刺凌厲得第三嘅誠實心 至少乾快地有證明


BC經典賽泥地二千米 上年一隻航線獨大嚇怕唔少馬 今年主隊馬反而無乜邊隻突出 如果航線擺落今年跑睇怕其他馬匹食塵 日本大軍今年跑BC幾有決心 派兩隻跑重頭戲 首選當然要應屆杜拜世界盃盟主盈寶奇嶽 贏完嗰場後索性休息直到九月尾搵場地方賽事日本電視杯為今場熱身 美國泥地賽事向來步速快到癲啱晒佢呢啲後追馬 次選方面搏FRANKIE嘅勝道 跑13場只贏3場勝出率唔算高但歷嚟最差名次都有第四證明忠心 今場仲要FRANKIE騎上去買QT要拖 三選諗一輪最後要形勢上同樣賺步速後追嘅高多芬陣營馬匹代表 睇過往賽績跑法機動而二千米跑兩場都入Q有根據 高多芬今年喺歐洲捱打要靠美加嗰批挽回面子

[ 本帖最後由 KIRIN688 於 2023-11-4 13:25 編輯 ]

KIRIN688

星期日
第四場四班千六光頭蘇出得新力高升應該有馬配合 隻巴基之友贏到你唔信 打風取消後整多個直路大閘隨便跟跑 今場仲整個一檔啱哂跑法 已經轉九歲更肯定唔會保留 Q腳方面再追幸運雄威 上場重重受困完全無騎過 呢次13檔走位上理想得多 上升緊嘅馬時刻留神
第五場二班千六呢場係90-70分 即係等同當年嘅二三班混合賽 本來計機會桃花雲應該係前列分子但呢場無90分馬報名變相孭頂磅 衝刺力點都有所減低 要返越駿歡欣 高佬新根本無心練馬益下家 贏完雖然加到79分但有呢場二班半賽事唔駛負重有利 Q腳方面都係要返晴王 曾經停操所以係咁趕功夫 依家肯定唔係FIT但馬性忠心必定例衝一段 雪茄鄭要爭取頭馬都理唔到咁多盡做
戲肉婦女銀袋都唔駛問阿貴 點都係光頭蘇嘅新力高升首選 有千八根據而今場只孭118磅非常有利 抽最外檔走位相對安全可以大外一氣 Q方面反而會向佢師父方仔兩隻埋手 直線力山季內兩戰明顯路程不合但都叫追得似模似樣 同程兩戰全勝應該係首本路程 而多巴先生經過暑假休息後復出第一場跑得唔差 四眼綸呢條鳳凰友騎馬向來無寶不落 要昅實

[ 本帖最後由 KIRIN688 於 2023-11-4 20:06 編輯 ]

KIRIN688

星期二墨爾本杯
衛冕踏金行繼續孭129磅最重磅 個人覺得都係接近但難贏 所以向哂幾隻外隊馬埋手 今年得四隻外隊 岳公子隻快手出招個績實在普通機會應該不大 餘下三隻莫威利出一對用哂好手莫雅同腎虧潘 莫雅嗰隻攻守有道之前有跑跳欄但前仗皇家雅士谷場銅馬錦標二千八米贏馬 睇嚟兩哩以上平地賽能力唔會差 今場個磅有利 腎虧潘嘅超情理居然117磅都肯接有啲意外 個績好明顯氣袋之流 上場伊波讓賽孭重磅都贏能力唔會差得過攻守有道 另一隻外隊嚟自日本嘅破空極光又係要三千米以上先有競爭力 年中春季天皇賞雖然個第四對駿天宮無威脅但擺落嚟呢場對手更水場合已經夠做 對松山弘平其實無乜信心希望靠馬搭夠

[ 本帖最後由 KIRIN688 於 2023-11-6 19:38 編輯 ]

KIRIN688

星期三晚三場心水
第五場雪茄鄭隻勁叻仔要形勢際遇 抽埋1檔又MR.BEAN更可信 Q方面好多馬揀唔落手 新勝美麗攻略加磅又外檔 要返腎虧潘嘅武林至尊算數

尾場雪勇神駒又俾腎虧潘搶但整個十檔想好似上季放頭贏應該幾有難度 再買明心知遇 跑法已經定型短途後上馬 上返嚟千二更好衝 神仙開始上力 同神仙線路嘅小霸王上場輸不過係重磅加上對手跑得更好 上二班輕磅好跑


第七場要錶之量子 上季適應水土而唯一一場谷戰就入Q睇嚟幾啱谷戰 一早喺從化開操試兩個閘返嚟香港後再整多個大閘做哂嘢出嚟 路程越長越好 9檔可以走生位 對手之中上星期後追入P嘅飛輪步少有匆匆再戰 今場檔位理想得多而馬房向來支持周仔難忽視

[ 本帖最後由 KIRIN688 於 2023-11-7 18:07 編輯 ]