http://www.cosmopolitan.com.hk/self-career/self/fatty?utm_source=cosmo&utm_medium=edm&utm_content=hero1&utm_campaign=20120730
我係人，唔係脂肪
脂肪成為現代女性頭號大敵，十個女人，十五個話要減肥，而且沒有瘦只有更瘦及再瘦，體形適中還要努力，不幸正值「脤爆」時期，節食、運動、做機樣樣齊。Stop！淨係識減肥，到底你有無將自己等價為一團脂肪？
瘦女大晒？
香港審美觀可算數一數二畸形，肥瘦同靚唔靚無必然關係，但係大家硬是喜愛ASAP 「as slim as possible」。所謂肥美肥美，長久以來肥就係美，你幾時聽過得棚骨的女人先會得男人歡心？係的話，吹氣瑪莉就唔會係「圓潤彈性狀」而係「bio lab式骨骼模型」啦。
脂肪，女神必備
講得最多的「西洋油畫全是肥妞」好可能長期遭受「sorry，我唔係古代人」的反駁，但現代人又唔見得只係鐘意瘦。鏡頭一轉去到南美，下圍巨大豐腴的女性先稱得上索女，再轉去中東，肚腩肥到擠肉的女性先做到靚靚的肚皮舞娘。在其他文化眼中，適當的脂肪方為女神必備。
先要自我正視
鏡頭轉回香港，即時媽聲四起。「呢度係香港！」「咪又係減比班男人睇！」「外國月亮咁圓，你唔好係香港住啦！」冷靜，其實只係想講肥胖本身係無錯，甚至可以加分，只不過大家習慣市場主導，於是就埋沒了正視自我的閒暇。
減得有道理？
當然，是否自覺肥胖和有沒有需要減肥是個人決定，但當中必須有一種接受的態度。很多時女性自感肥胖並不是因為真正肥胖，只是對自我價值及自身形象存在一種否定，不滿意自己、不真正完全接受自己，因此沉醉於減肥可能增加個人價值、滿足感及被愛這個事實。
別讓減肥成為眼疾
否定不一定是改進的動力，也可以是一種自我傷害的表現，而受傷的心靈時常會在一種困局之中打轉，看不穿自己真正想追求的東西。畢竟價值、滿足及愛才是主要目的，絕不是減肥過程之中的自我約束、懲罰及虐待。
自我擁抱
今晚在靜下來，細心思考、感受一下自己對自己的接受程度，不論當下是肥或瘦，也先全盤接受自己的形象，然後下一步才思考是否要減肥吧，但筆者相信，一個人的生命決不等如一團脂肪，而找到價值及愛的方法，還有很多。
