引用:
原帖由 小Koey 於 2024-2-22 14:26 發表
铅笔头的eraser嘛。。。我小学时也是会用手把他拔断然后丢掉,因为我觉得这个设计spoil了铅笔本身的含义,铅笔就是要用来写东西的,怎么可以有个对立的东西在顶端?我就认为这个想法是正确的,大家也都这么认为,所以就把班上同 ...
拔斷呀... 本宮主打係切割
細個住果間屋, 樓下文具店d 野好平, 有款made in china 既擦膠當年只賣 HKD1 一件
一件切片, 再切條, 再切粒, $3 - $5 破壞力可以好驚人
灑o係同學頭上又有, 書包入面又有, 好似仙女散花咁往天上一擲由得佢落雪咁樣成個班房都係
跟住因為玩得多, 成日就刀不離身, 然後玩更愈o黎愈過份
拎一堆 cable tie 返學校, 穿過男同學條褲屁股上方原本用o黎穿皮帶個扣, 將佢束在椅背條鐵上
因為有刀嘛, 諗住隨時都可以切斷佢放生, 一路都冇大事發生 (只要你唔係忽然從座位嘭一聲咁彈起身),
但凡事總有例外....
結果咪一時o係課堂上, 一時被命令陣間小息自己去訓導處自首, 俾人打手板
最後一次, 係唔知咩事老師兩樣都冇做, 反而係叫我去教員室, o係果度受罰
後來分析應該係佢聽到一d 傳言, 有三兩個個別o既老師其實係幾中意我
因為我上佢地d 堂特別乖, 佢就係專登要我o係佢地面前被體罰o黎揭穿我o既真面目
打完手板出返o黎時, 果然被另一個 miss 叫住我問我咩事, 我講晒佢知, 因為我估計我唔講, 打我手板果位阿sir 事後都會講
miss 點醒o左我: 佢問我買全新o既擦膠返o黎咁樣擲, 跌落地同跌落垃圾桶有冇分別?
如果冇o既話因為擦膠只能用一次, 用錢去買返o黎, 然後擲落地 and/ or 垃圾桶又有冇分別?
如果都係冇o既話, 咁呢個行為同我將父母俾我o既零用錢直接掉落垃圾桶其實亦冇分別
每次玩幾蚊, 一個學年加埋我擲o左幾多自己o既零用錢入垃圾桶
之後我就再冇玩過啦