我同A分開後就各自入更衣室沖涼。其實當時我心裡浮現緊B既影像，好想知道B今日發生咩事，唔通琴晚我同A既事比B見到。所以我拿拿淋沖涼洗頭，當然桑拿都唔焗，換好衫就急急脚上返房，我估整個過程都係10鐘內。當我等緊lift上房時，我心裡其實有豫猶，見到B後應該講咩好呢？B如果一陣都係對我咁冷漠，氣氛可能會好薑，我應該點應對，定等埋A先返去？當我腦裡浮現一大堆問題時，lift門大開，我定左兩秒後決定入lift上到房去先算啦。
Lift到達我既樓層後，我隻脚就拖慢咁行到我房間門口。我係房門口聽電視機發出既聲浪同開著風筒既聲音，可能B係度吹緊頭髮啦，所以我決定鼓起勇氣插咭開門入去。我開門入到去，行兩三步就經過廁所，廁所門就開住，我停底係廁所門口前，真係見到B用右手舉起風筒係到吹緊頭髮，左手就拿住把梳梳緊d頭髮。B當時係著緊一件白色既吊帶小背心，可能小背心短既關係，B舉起手吹頭會址起左件衫露出B條小腰。而B下身就著住條一般既短褲。當我正想開聲問B時，房間大門而家先關埋，關門既碰碰聲嚇到B當堂彈起，擰頭望廁所門口方向就望到我企係到。B定神後就鬧：嘩，你地返來冇聲架，嚇死人咩！我聽到後立即講：Sorry, 嚇親你，我返上來先，A係下面焗緊桑拿。我接住講：嘩，你仲未攪掂？當B聽到我呢句說話後冇回應我，反而扮得戚笑住問：你唔陪佢，我比晒機會你地，所以我上來先，費事做電燈膽啦。我好尷尬口窒窒行入廁所兩步咁答：咩…呀，唔好玩啦！B好開始有嬲咁講：唔駛唔認啦，我琴晚見到啦。我當然仲扮傻咁問B:你見到咩呀？
當我咁問完後，B突然兩隻眼紅晒，眼水汪汪，B瞇一瞇對眼時好快就有兩大滴眼淚滴左出來，一滴落係鼻樑，另一滴就滴左落去佢小背心乳房隆起既位置，我再望真d原來B既乳頭隔著小背心凸左出來。我估應該B諗住我地冇咁快返來，所以未帶番切胸圍而凸點。我當時見到B喊緊既情況真係冇諗其他野，一時間啞口無言，我咁大個仔第一次見到女仔對住我喊，心諗係我整喊B? B索索個鼻明顯有鼻水想索番上去，B跟著擰側面視線轉移被開我，垂底頭而聲線扯高咁講：我冇事啦, sorry。但我仍見到有兩滴眼淚相繼跌落左地下。其實我已估到B因為以為我同A一齊而唔開心喊，我清楚知道第一晚我同B親密完後，第二晚又同A攪而令B唔開心，當時我覺得自己好衰好壞。但當時我又唔想B繼續唔開心喊，所以我當時行埋到B面前，我用雙手緊緊搭住B膊頭望住佢頭頂講：我跟本未話A拍拖，到呢一刻我同A都冇話過係男女朋友關係。而果晚我同你既事我都未機會同你講番聲sorry。B聽完我講後就抬番起頭望住我。
