g197212

Hi!
各位好似好有心得喎！
我本住不恥下問既精神，向各位c hing請教，

點解d女會比到各位冇左十幾年既拍拖感覺既？
因為佢地靚？新鮮感？溫馨感？小鳥依人？
係行街呢個動作，定係個女女比到你地戀愛既感覺呢？
同太太又得唔得？如果唔得，點解？
我見你地好多人都唔想離婚，部份仲話太太好架喎？

um......我唔係女女，我係超水平既賢妻良母(唔係自大，至少我老公都認同)，
但我唔明出面既吸引力係邊度，
我要悍衛我既家庭，所以我要學習令客人(=老公)開心同留戀既技巧，
再加上十幾年曾經共患難既真情，來令客人沉船，保障個仔有良好既家庭環境。

請你大家幫忙！Thx!

引用:

原帖由 foresthill 於 2008-8-14 07:08 PM 發表


如果要對佢嘅經歷有體會, 應該會係40歲以上,同理結婚超過7年. Otherwise, 係難明D嘅.

我睇起來就感同身受.

foresthill

引用:

原帖由 g197212 於 2008-8-15 01:58 AM 發表
Hi!
各位好似好有心得喎！
我本住不恥下問既精神，向各位c hing請教，

點解d女會比到各位冇左十幾年既拍拖感覺既？
因為佢地靚？新鮮感？溫馨感？小鳥依人？
係行街呢個動作，定係個女女比到你地戀 ...

你咁夜做乜唔理老公,走來夜遊討論 ?

呢個課題可以寫幾本書, 介紹你睇 Why men don't listen and women can't read maps , 你要先明男女分別才知點處理.

還有呢個site 都幾好 http://www.revolutionhealth.com/blogs/mirakirshenbaum/affairs-excuses-no-14440

bon1234jour

引用:

原帖由 g197212 於 2008-8-15 01:58 AM 發表
Hi!
各位好似好有心得喎！
我本住不恥下問既精神，向各位c hing請教，

點解d女會比到各位冇左十幾年既拍拖感覺既？
因為佢地靚？新鮮感？溫馨感？小鳥依人？
係行街呢個動作，定係個女女比到你地戀 ...

師姊妳好,妳既問題並沒有劃一或唯一的答案, 待我試試從我的角度去看一下. 以下是我個人既感覺

點解d女會比到各位冇左十幾年既拍拖感覺既

兩性的感覺來源可以大致上歸納於兩點, 1
外表 2感覺.
一個男人揀一囡囡第一個要求就是合眼緣. 如相處一段時間後有心靈上的溝通的話, 有拍拖的感覺絕不為奇.
但我可以講係跟靚, 新鮮感, 溫馨感, 小鳥依人無直接關係.呢個死穴因人而異.
係行街呢個動作，定係個女女比到你地戀愛既感覺呢？

好多時沉船都係皆於行街. 因為係NC裹面大家既定位都非常明確, 但係行街,睇戲,食飯既時候呢個定位就變得模糊. 所以行街,睇戲只可以話係一個環境因素,但係最重要都係同囡囡有Feel.
可以話係廢話, 因為如果冇Feel就唔會約出街.
同太太又得唔得？如果唔得，點解？
同太太經過一段時間 愛情已經演變為細水長流既感情; 所以很難再有那種驚心動魄既戀愛感覺. 但並不代表不再愛太太.
但我唔明出面既吸引力係邊度，
出面既吸引力係在生活中缺少既野,有可能係有個人可以聽”勞-so”而不作批評, 或者有個女仔嗲下自己, 又或者係個種幻得幻失既既咸覺, 或至只係簡單的”性”.
因人而異.

我要悍衛我既家庭，所以我要學習令客人(=老公)開心同留戀既技巧，
再加上十幾年曾經共患難既真情，來令客人沉船，保障個仔有良好既家庭環境。
師姊妳要明白及接受妳無可能令妳老公長期沉妳條船. 但妳可以做既係提供一個無可替代既碼頭, 令妳老公就箄沉船都唔會忘記浮翻上來個妳碼頭度.
呢樣講就易做就很難.
男人其中一個最唔想既情況係個老婆變左啊媽.
妳話妳係賢妻良母,但妳忽略一個在夫妻關係中很重要的因素-情人!
賢妻良母在大多數男人眼中=啊媽+師奶!
妳要絕對明白男性動物在遺傳結構上係多心既, 佢地既任務係散種子. 但係好消息係無論個男人沉邊個都好,佢地既戀情都會進化為感情. 如妳跟妳老公既感情係深厚既話, 妳老公一定會返妳身邊. 所以我勸妳想一想妳地拍拖時做既野, 宜家嘗試做多的, 冇做既可以試下做,
少的”勞-so”, 唔好頂到咁行, 有的野要隻眼開隻眼閉; 咁先可以提高條船返黎既機會.

1880

引用:

原帖由 g197212 於 2008-8-15 01:58 發表
Hi!
各位好似好有心得喎！
我本住不恥下問既精神，向各位c hing請教，

點解d女會比到各位冇左十幾年既拍拖感覺既？
因為佢地靚？新鮮感？溫馨感？小鳥依人？
係行街呢個動作，定係個女女比到你地戀 ...

超水平既賢妻良母:
你好,多謝你的回覆,其實男人出街玩,同愛唔愛老婆無關,至於沉船亦衹係一種感覺,是否及時回頭是岸,就因人而異,希望答到你喇:smile_39: :smile_39: :smile_39:

g197212

foresthill, bon1234jour, 1880,  :smile_15:
你地好！
多謝你地回覆，令我有一個更直接，清晰的概念。

首先，呢條link係個fd email比我睇，等我了解多點。

其實你地所講既，我之前零碎地都向別人討教過。而我亦剛剛贏左一仗。我相信我所提供的碼頭應該暫時冇人可替代，而同老公的感情資本應該唔太差，否則，都應該離左婚囉。

同你地有些分別，我老公唔係主動落場玩識左女人，而係比女下屬癡左上身。主動尋歡的男人心態上可能仲有些防衛準備，比人癡既就係不知不覺間沉鬼左船。不過，我諗沉船的感覺應該大同小異既！

衰在唔知點解e+d女仔硬係中意搶人老公喎，剛踢走一件，又有另一件係咁約我老公！明知有老婆仔女都照攝位，冇計，又干涉佢唔到，惟有教好自已老公囉！一次事件，勞民傷財，真要命！

為防止同類事件日後再次發生，我諗我都要做些預防措施。我知道沉船源於拍拖feel，亦同意你地講老婆應該都要有"情人"的function。可惜我唔知點樣可以培養翻d 拍拖feel。

我地現時都有二人世界去街街，有兩個人去下旅行，我周不時臨訓前都會同佢傾計，聽佢講下公司野，又會幫佢massage下.......之類，然後我都唔知可以做咩喇！以上各項，硬係唔覺得有咩拍拖feel囉！講真啦，我夠想有人追有拍拖feel啦，唔通剩係做老公既至要情人咩！！！唉……

請問，從你地有feel的經驗中，知唔知d feel係點走出來？
我仲有咩遺漏左未做呢？
男人角度，你地認為點樣謂之好情人呢？你地喜歡情人為你做咩呢？

請多多指教！

g197212

引用:

原帖由 1880 於 2008-8-16 02:57 AM 發表


超水平既賢妻良母:
你好,多謝你的回覆,其實男人出街玩,同愛唔愛老婆無關,至於沉船亦衹係一種感覺,是否及時回頭是岸,就因人而異,希望答到你喇:smile_39: :smile_39: :smile_39:  

原來男人都會玩感覺既……呢點我都係而家至知，仲以為d男人好理智添！

張自強

我也沉過船，亦知道這是很愚蠢的事，囡囡喜歡祇是你口袋的金錢，至於如何抽身，才是最重要。在那個時候，我找我的老友，帶我去常平走走，發覺那裡靚女多的是，要那個找那個，故無需為放棄目前的囡囡而傷心，我就是這樣過渡。

foresthill

引用:

原帖由 g197212 於 2008-8-16 12:46 PM 發表
foresthill, bon1234jour, 1880,  :smile_15:
你地好！
多謝你地回覆，令我有一個更直接，清晰的概念。

首先，呢條link係個fd email比我睇，等我了解多點。

其實你地所講既，我之前零碎地都向別人討教過。而 ...

Good , be more specific 會容易講Ｄ.

你老公同我哋三劍俠有一明顯分別: 我哋係以維護家庭為第一大原則, 然後喺呢個boundary裏面尋找一點空間去平衡自己. 如果我話我去club會令家庭和睦,女人一定話我crazy, 但這是事實. 等如有節制賭博是有益身心, 飲得水多都會生病, 睇你是否識點樣用.

之前同bon1234jour都交流過,我哋平曰喺同事和朋友間都非常小心,係絕緣體. 點解? 因為呢Ｄ嘢你唔去控制的話, 真係多多都有得你玩, 而且重係較難收拾殘局. 唔止影響屋企,還有工作, 百害而無一利. 至於第三者,唔駛鬧, 任何地方,時間, 有男有女就會發生互相挑逗,試探的事情. It takes two to tango. 與其話Ｄ人做乜攪你老公, 不如問下你老公做乜成日俾機會人攪.

你作為一個老婆, 只需要做好老婆嘅角色就夠. 如想一人扮演多個角色只會不倫不類,弄巧反拙. 而且無可能做到, 一個40+才嘅老婆點樣俾到一個22才嘅女仔俾到嘅嘢. 反過來說, 情人可愛係因為佢唔係老婆, 一變成老婆,組成一個家庭, 又會有很多問題.  根本一夫一妻制就係違反人類本性, 要大家好努力去keep先得.

順帶一提, 我的兵行險着已告一段落, 她有多天沒聽我電話了.在此祝願她幸福, 將來找到好歸宿.

g197212

引用:

原帖由 foresthill 於 2008-8-16 03:15 PM 發表


Good , be more specific 會容易講Ｄ.

你老公同我哋三劍俠有一明顯分別: 我哋係以維護家庭為第一大原則, 然後喺呢個boundary裏面尋找一點空間去平衡自己. 如果我話我去club會令家庭和睦,女 ...

你講既野都好中肯，雖然有些男人的想法我諗到死果日我都係唔理解架喇！
最欣賞你話，"出面女人可愛係因為佢唔係老婆，做左老婆就變成唔可愛"，呢句說話令我條氣順好多。起碼唔係一味無理地貶低個老婆而覺得第d女人好過老婆，而只係身份角色唔同所出現既後果姐！

仲有，我想問：
1.男人係咪控制自已做絕緣體就好大機會唔奶野？feel呢樣野靠自已控制，work嗎？
2.咁如果女人以家庭和睦為大原則，在出面搵個情人拍下散拖又得唔得？男人點睇呢件事？
3.見你地講得咁過癮，我都不禁諗下，究竟女人有冇咁既權利呢？你老婆出去玩架咋，唔代表唔愛你架，亦唔會放棄家庭架。(我想知道男人的諗法，並唔代表我接受呢種事情)

anyway，十分感激各位用心的對答，令我學到野。

1880

引用:

原帖由 g197212 於 2008-8-16 12:46 發表
foresthill, bon1234jour, 1880,  :smile_15:
你地好！
多謝你地回覆，令我有一個更直接，清晰的概念。

首先，呢條link係個fd email比我睇，等我了解多點。

其實你地所講既，我之前零碎地都向別人討教過。而 ...

師姐:你說:{我地現時都有二人世界去街街，有兩個人去下旅行，我周不時臨訓前都會同佢傾計，聽佢講下公司野，又會幫佢massage下.......之類，然後我都唔知可以做咩喇！以上各項，硬係唔覺得有咩拍拖feel囉！講真啦，我夠想有人追有拍拖feel啦，唔通剩係做老公既至要情人咩！！！唉……}
以上行為如果之前無做,出左事先做,我覺得你係監視佢和聽取佢係公司做D也,當然冇拍拖感覺喇,其實一個男人比老婆知道左,巳經好難受,如果你仲特別對佢好,令佢更無地自容,做返一個賢妻,默默支持和信任你老公,唔好再扮佢情人,希望幫到你兩公婆


[ 本帖最後由 1880 於 2008-8-17 02:35 AM 編輯 ]