|
等待驗證會員
|
321#
大 中
小
簡
繁
發表於 2006-6-9 只看該作者
有好多師兄睇完第十四集後,以為小盈帶來的姊妹是小雪.哈哈,其實唔係,我唔識佢d姊妹架.小雪是湖北姑娘,小盈是湖南妹子.原本我想將十四、十五集合併,後來覺得太長,故分割了.如果小盈帶來的真是小雪,場面一定好尷尬,到時我唔搵 lone“捐”都唔得了.
第十五集: 我不夠愛你
上集講到我和 Kelvin食飯期間,接到小盈的電話,她叫我上去join佢姊妹的生日party.我本想在電話裡講分手,但冇鬼用嘅我又一次心軟,故應承她了.
上去會合小盈後,在一快餐店等佢d姊妹.
不一會,她的兩個朋友來了,一個叫阿 May,另一個叫阿萍.阿萍和小盈差不多高,有啲baby fat,樣子一般.
阿 May高高瘦瘦的,我估有五呎八寸高,身裁幾似model,皮膚卻甚黑,不像一般的湖南姑娘般白.樣貌也是一般,甚cool.她帶了男朋友來,叫阿 Mark,是香港人,年齡和我差不多,不過靚仔過我好多.
今天是阿 May生日.
見面後遁例寒暄下,都是我和阿 Mark傾計多,後來阿 Mark的朋友阿強也來了.人齊後,便到附近的川菜火鍋店打邊爐.席間我比較沉默.小弟算叫做好易同人熟果隻,但當時情況特殊,自己又心事重重,故說話不多.我多數時間都望住電視機,睇平時我絕不看的中超聯賽.
席間明顯小盈和阿萍比較投契,阿萍樣子純良,不像阿 May般一睇就知蒲緊之人.
飯後 Mark帶我們一行六人去卡拉OK(當然係正K啦 ),路上見阿 May的手機不停響,是她的朋友打給她join party.小盈此時在我耳邊笑說:「一陣有好多靚女黎呀,不過你只準同我玩,唔準你撩女仔,費時你做『壞事』」
做『壞事』是內地女孩的口頭禪,即係做「對她唔住的事」.我心諗: 你喺度我做到d咩先?真係多餘.
上K房後,阿萍和小盈唱歌,阿 May則出去接她的朋友.我地三個男人玩色盅,小弟手枚和色盅不嬲都出名 “屎” ,加上當晚心事重重,有點心不在焉,故頻頻飲.
我有個弱點,就係唔飲得急酒,一「搶住」飲就好快會到頂兼嘔到七彩.我唔想在小盈面前劏,無奈又唔夠人玩色盅,猜又唔猜到,被對方一輪急攻後,就上洗手間劏了,把剛才吃的全部俾晒馬桶.火鍋後劈酒,是最好的自殺的方法.
小盈知道,在洗手間門前等我,我出來時看見她,她一臉擔憂,說:「你唔飲得唔好同人飲嘛,阿 Mark佢地痴線架…..」
我笑了笑,拖著小盈入返房,此時房內多左好多人,都是阿 May的朋友,有男有女.
我走過去想繼續玩色盅,阿強說:「唔好意思呀,你冇事呀?抖下先啦…..」
我劏完後人己醒左七成(更何況我冇醉:smile_34 ,胃冇咁漲,在唔衰得下又黎過.心諗大話骰講技巧啫,幸運骰講運氣都輸就抵飲啦.三個男人再加其他的朋友,又圍在一起玩色盅了.
而小盈呢,她還是乖乖的唱歌,她最喜歡唱陳慧琳的歌.一個人唱非母語的歌,更能聽出他的口音.小盈用本就不咸不淡的口音唱 Kelly的廣東歌,很怪.
玩幸福骰我輸得冇咁多,但也飲了不少,醉意漸濃,但我要強調一點,當時我未貓,只有幾分醉意.
「阿簡,抖下啦…」阿 Mark見我有d醉,推我埋小盈身邊,May亦行過去叫小盈留意我.
「點呀?叫左你唔好飲架啦…..」小盈拉我過去.
「冇事喎…..」我邊說邊拎起搖控,我要唱歌.
小盈最鍾意唱 Kelly啲歌,我除左張學友外,最鍾意就係唱劉德華d舊歌.我突然諗起,劉德華和陳慧琳有首合唱歌,叫 『我不夠愛你』
「同你合唱呀?」我興奮的和小盈說.
「好呀,咩歌先?」小盈見我咁開心,她也高興的說.
我冇答佢,望著電視禁制.
不一會,揀到了.
我望望小盈,她面無表情,看著螢幕.
『我想我不夠愛你，我不曾忘了自己
沒那麼全心投入，所以會一敗塗地。』我先唱.
到了女方的一段,小盈卻沒有接下去.
背景音樂仍在奏著,我再望望小盈,她依然面無表情,看著螢幕.
我見她不唱,就說:「到你喎…」
她低下頭,不說話.
我乾脆按伴唱,自己唱劉華果段,到 Kelly那段則由CD代唱.
『我想我不夠愛你，我不曾忘了自己
沒那麼全心投入，所以會一敗塗地
我忘了你的用情，沒辦法重來一次，
重來一次…也只好聽天由命。
不能在一望無盡的地方，也不能鑽進那擁擠人群
因為寂不寂寞，都會提醒我…
我失去了我不夠愛的你。』我唱得起勁.
小盈突然走過阿 May處,和她耳語,接著她和阿 May和阿萍出房門了.
下集預告: 大結局
[ 本帖最後由 簡東拿 於 2006-6-10 11:22 AM 編輯 ]
|
