鴻略

引用:

原帖由 KIRIN688 於 2022-1-24 09:18 PM 發表
第八場四平八穩本應係馬爾代夫但132磅跑三班點都蝕底多少 係個檔睇幫到幾多 不過W嘅機會唔高 拖腳 聰明導彈騎師賽雖然贏但砌得幾盡 加磅再抽10檔更難有信心 搏半冷上三班天行健 谷戰只跑過一場就係上季煞科跑一千衝 ...

金鎗六十輸戇居，可能是硬策騎指示吧，人家加多一匹黃金甲便以為有步速，實際只是虛晃兼阻路，中段我已暗叫雄心威龍輸智多飛翻版，如果當機立斷立即內欄上前，贏兩個馬位亦無問題。無論如何，見到未及步步友。


第八場我臨場才決定，簡單講講，金像非凡前置馬11檔問題小，過去千六比千四好，上仗顯示輕磅對此駒很有幫助。聰明導彈難計，有班底但今次屬加分轉劣檔轉不利跑道三不利。馬爾代夫穩健但評分差不多，無入Q把握。在各有缺點下可考慮成才，此程專家上仗田草亦不差，入一席就好分。

第四場看中贏盡天下，上季跑三仗田草表現不俗，包括首次千六放頭負於金像非凡而先於指標馬開懷大少過終點，今季因腳傷到兩星期前才在谷草短途復出，熱身表現比預期好，今次跑較正宗路程，對手比田草差，加上隨年長進步，有望開齋，有賠率，做膽。配腳先選芙蓉莊及機緣巧俠，算是近戰可以而贏過之馬，2、3、7近戰差，選不到，勉強加上捷報，上星期算是追近拉住的忠誠駒。


第六場首選箭意，近兩仗三班在欠戰意下名次後但輸得近，狀態已到位，今落四班已夠爭勝，表面排檔欠佳，但兩勝同程俱排大外檔而一早夠快切入一或二疊，問題不大。前風兩仗三班一千好檔上名，所負距離則較多，降班增程排一檔，欠把握之機會馬，兼顧。三生好運亦是降班馬，甚至贏過三班，級數佔優，近績確欠信心但原班對手差，換班德禮不似運吉，保險腳。帝豪之星上次不過不失，就算切入一疊如贏馬時亦難言把握，表面排好檔但很可能被前風頂在二疊，賠率太熱，傾向放棄。

KIRIN688

引用:

原帖由 鴻略 於 2022-1-26 18:43 發表

金鎗六十輸戇居，可能是硬策騎指示吧，人家加多一匹黃金甲便以為有步速，實際只是虛晃兼阻路，中段我已暗叫雄心威龍輸智多飛翻版，如果當機立斷立即內欄上前，贏兩個馬位亦無問題。無論如何，見到未及步步友。


第八場我臨場才 ...

又再出現C加3欄短途利前置 但薛恩跑金爵士連空氣鞭都費事打好似知一定無P 倒屎趕收工又得過且過 星期日兩場大賽 重心場次classic mile留待星期六晚寫 尾場擺二班泥地千二又係一個幾有趣課題
第七場讓磅G3百週年紀念瓶千八 真心唔明點解又唔變返跑二千 拉哥喺勁搏同超級軍團之間最終要返勁搏 華商會杯嗰場馬前中段要開鞭說明千四已經短 但最後直路嗰種hea騎真係當好多人傻仔 抽九檔多數留後二疊有cover 已經成年無贏 本場G3係今季嘅黃金機會 超級軍團搵火車潘繼續輕磅而個三檔又實在好跑 呢條Q希望唔好過熱啦
尾場二班泥地千二 左睇右睇都係揀返精靈勇士 加到頂磅所以換廢柴騎師減五磅可以理解 跑法簡單按理廢柴騎師只要搶出唔跌落嚟入前三機會大 單Q銀紙 老苗呢排係咁搵薛恩有景轟 上場因為短期內無路程焗跑谷千二表現又唔算太差 終於返嚟首本路程而換薛恩孭少啲死磅幾好跑
不明係韋小寶 勝在忠心但成日跑三三四四搞到啲分減得慢 之前泥閘試起嚟都唔差 落到呢場二班突分賽事又睇下能否憑級數殺入一席

[ 本帖最後由 KIRIN688 於 2022-1-28 10:06 編輯 ]

KIRIN688

全日戲肉 加州星球無疑係好馬 但一下子兩星期內千二上千六 我會傾向告仔膽粗粗想搏大霧 但信心有幾大 只有佢最清楚 咁嘅不明因素投注上我就唔會買 對比起嚟柒頭公子嗰兩隻算四平八穩 包裝長勝一再證明快步速前置跑得好 呢場估計就算加州星球放 礙於長力問題都唔荒放得快 更有利包裝長勝發揮 首選 同系人馬包裝智威跑千六更有證明 而上場超慢步速拉士爆21秒4唔係講玩 何堯一早放手俏芳華專心操包裝智威估計揀錯機會不大 三選其實幾亂 搏下神仙三隻其中一隻風火戰駒 唔再係拉哥騎換賀銘年上去應該更合呢隻馬後追跑法 只係忽然加眼罩唔知效果如何 上年同一場馬神仙點樣玩魔法幻影大家有眼睇 至於喜譽寶 早一場已經講受讓十幾磅都輸得俾百步穿雲唔係想像中咁勁 再抽14檔就算拉哥有三頭六臂 喺呢啲咁均勢場合跑錯一步棋都神仙難救

[ 本帖最後由 KIRIN688 於 2022-1-29 20:12 編輯 ]

鴻略

引用:

原帖由 KIRIN688 於 2022-1-29 07:56 PM 發表
全日戲肉 加州星球無疑係好馬 但一下子兩星期內千二上千六 我會傾向告仔膽粗粗想搏大霧 但信心有幾大 只有佢最清楚 咁嘅不明因素投注上我就唔會買 對比起嚟柒頭公子嗰兩隻算四平八穩 包裝長勝一再證明快步速前置跑得 ...

經典一哩賽駒千二上千六未成功過，加州星球長力成疑，又非大冷門，自然放棄。我先選一對何澤堯座騎，包裝智威近兩仗都跑得好，今次步速會較上次正常，會更合發揮，是爭勝份子，但選騎可能看長遠，俏芳華上仗幾匹蹄下敗將之後分別贏一班贏二班兼贏此場強手，如果田谷能力無差異，在此亦非常強，此駒首次有表現就在沙田，看姿態非因賺谷草形勢，憑較佳出賽經驗亦有力奪標。包裝長勝似乎重磅與輕磅差距很大，加磅及增程未必好，潘頓上季選騎馬表現普通，大膽放棄。一對雷神棄騎賽績甚吸引，雷神選的喜譽寶太普通，想不到選騎理由，給神仙面子亦可揀醉眼光，是否暗示後者也不夠好？二揀一就選浪漫勇士，有本錢亦可兼顧醉眼光，雷神高班選錯馬多。


另講第四場，五班千四有兩組賽績，上次及更早表現顯示樂天派一組較強，樂天派雷神不放手，檔劣雖打些少折扣仍有望憑質補中，正選。天意上仗檔劣跑法運吉但追勢甚佳，今次有一檔合蘇廄出擊模式，應見真章，亦有力挑戰前駒。第三匹選競駿翩翩，連番在四班強組跑得近，今降班可博突破。

KIRIN688

引用:

原帖由 鴻略 於 2022-1-30 03:26 發表

經典一哩賽駒千二上千六未成功過，加州星球長力成疑，又非大冷門，自然放棄。我先選一對何澤堯座騎，包裝智威近兩仗都跑得好，今次步速會較上次正常，會更合發揮，是爭勝份子，但選騎可能看長遠，俏芳華上仗幾匹蹄下敗將之後分別贏一 ...

加州星球彈甩主馬群入Q似乎跑千六比想像中强 但一如之前喺隔離壇喺呢場跑之前講過 有位置嘅話基本上後兩關跑硬  家陣告仔照去馬搞到沙漠佬班友屌哂鬼
初三賽事心水4,10,11場 第10場照買返340場次塞車塞到一頭煙嘅閃電同樂創未來

第四場戲肉賀年杯 刨左一個下午揀剩四隻 就係幸運快車 加州得迅 非凡才子同超好日子 當中再劃走重磅蝕底嘅幸運快車 得返後三隻 先要有負磅之利非凡才子 一季唔會有咁多呢啲一班限分讓磅賽 要好好把握 呢隻馬跑完上場後就上從化操 本場有步速佢幾好跑 至於加州得迅勝在此程首本而拉哥停賽在即必拼 缺點係檔位可能被頂出三疊 就要睇拉哥點搞 Q難飛 超好日子當打但個評分係谷1650贏上去 落返千四感覺會短 睇臨場取捨
尾場多巴先生跑完呢場估計會跑經典杯 小弟唔識睇晨操唯有參考積奇評語 積奇話佢進步左 加上檔位合適 就算唔贏都應有P 北極光大勇大熟但上場明賺形勢 加左十磅壓力大增 配腳較合 半冷心水快益善 二班孭輕磅點都好過三班孭133重磅 邊線
另祝各馬友財運亨通 事事如意

[ 本帖最後由 KIRIN688 於 2022-2-2 19:33 編輯 ]

鴻略

引用:

原帖由 KIRIN688 於 2022-1-31 08:19 PM 發表
加州星球彈甩主馬群入Q似乎跑千六比想像中强 但一如之前喺隔離壇喺呢場跑之前講過 有位置嘅話基本上後兩關跑硬  家陣告仔照去馬搞到沙漠佬班友屌哂鬼
初三賽事心水4,10,11場 第10場照買返340場次塞車塞到一頭煙嘅閃 ...

橫財就手龍馬精神

送歲戰靠雷神跑得差中冷Q，今次的熱門馬非常惡，希望有類似情況攝入冷馬。

第十場當然繼續追閃電及樂創未來，後者檔差換賠率，上次走勢或比前者更好，但此場仍覺升班的威力奔騰最強，上次強組贏得甚輕鬆，可期三捷，正選。勇闖上仗被團結精神反先，穿山鷹取位不順第三，兩馬目前實力差不多，當然都是機會馬，賠率則不及前面三匹值博。


第九場健康快駒上仗見大幅進步，神仙馬升班仍可信，首選。英之星今季兩仗同程皆在二班而入位，降班一戰谷草則僅負，今降班跑千四屬穩健份子，若前駒進度不足或失準，亦可代之而起，次選。合夥雄心前仗同班同程贏馬姿態好，是否賽事水準低難計，翌仗便走樣亦馬上拉倉，似是有實力而稍失準之馬，其他對手不似樣，兼顧。


第五場太陽拍檔與有緣人是兩匹較好近績兼在同程表現較好之馬，先選。騰飛塔千四績差而偏熱，錶之科學初起換潘頓成熱，長力及進度皆有疑問，保險腳不如博同程有過好表現的翡翠鳳凰，前仗包尾相當差，上仗路長頂到最後二百，可望跑出較接近最佳水準。

KIRIN688

引用:

原帖由 鴻略 於 2022-2-3 03:57 發表

橫財就手龍馬精神

送歲戰靠雷神跑得差中冷Q，今次的熱門馬非常惡，希望有類似情況攝入冷馬。

第十場當然繼續追閃電及樂創未來，後者檔差換賠率，上次走勢或比前者更好，但此場仍覺升班的威力奔騰最強，上次強 ...

非凡才子咁樣第二次爆缸 唯有認命😑
年初六谷戰講第六 七 八呢三場
第六場正路選擇奇寶 上場334場次不留而放第一個彎四疊返到嚟梗腳軟 返從化再做功夫又有大閘 雖然拉哥停賽但神仙呢日出馬份量都唔惹少 搏殺格 單Q本想要飛騰騅但睇呢幾場有好檔情況下跑嚟對頭馬唔算有威脅 另一角度睇質素未必好高 倒不如搏另一隻質新而上場311場次同程追得唔差嘅董大 復課獵人成安排幾課拍跳又落埋草地 之前初出重飛無影同前一場泥地大敗似係擺前效果差 到上場留中後追總算似模似樣 係睇莫丹尼初戰呢個馬場能否盡快掌握
第七場四平八穩涼瓜座騎騰龍駒 同程有近績雖然升班但負磅大減 抽四檔更如魚得水 單Q師父神仙隻旋風飛影 拉哥騎二雋瀨屎當晚另一場又係hea騎了事 換腎虧潘必然拼個明白

[ 本帖最後由 KIRIN688 於 2022-2-5 16:06 編輯 ]

KIRIN688

第八場二班一千 上次同班同程南區寶用到九成九力僅勝精靈武士 個分已經到頂 雖然再執一檔但有遨遊戰士緊張大師經典之星呢啲快馬 形勢可一不可再 先要跑法機動艮志騰雲 上個月整親個鼻退出變相抖多排順便返從化儲火 呢啲馬用埋今季應該差唔多所餘無幾 三檔前面有快馬開路符合谷一千贏馬方程式 單Q搏升班當家精神 148場次跑唯一一場谷千二受制檔位跑第五算跑得唔差 上場薛恩贏完後再整個谷閘為呢場備戰 跑法合何堯擅長嘅後上 至於緊張大師 底牌見哂原來得一招單騎領放 腎虧潘嗰場試過留一留打落唔多 之後輸俾八仟師更無籍口 呢啲馬從來就係最佳對賭攻擊對象

[ 本帖最後由 KIRIN688 於 2022-2-5 20:16 編輯 ]

鴻略

引用:

原帖由 KIRIN688 於 2022-2-4 05:48 PM 發表
非凡才子咁樣第二次爆缸 唯有認命😑
年初六谷戰講第六 七 八呢三場
第六場正路選擇奇寶 上場334場次不留而放第一個彎四疊返到嚟梗腳軟 返從化再做功夫又有大閘 雖然拉哥停賽但神仙呢日出馬份量都唔惹少 搏殺格 單Q本 ...

第六場1-2-3-4-8有機會，很難秤，董大上仗追得不俗但今次檔位轉差，亦不肯定有明顯進步。


第七場騰龍駒與旋風飛影近戰表現較好，是正路選擇，前者本身是三班馬，重拾健康仍可再上。保險腳可博下人和家盛，今季次次檔劣而所負不多，減分多而抽好檔，對手亦減弱，鏟入一席就有分頭。另一熱門有主意夠準但評分可能差不多，仍會近但博其不入Q。


第五場喜歡騰龍超影，近來已越來越近，換人抽好檔已是蘇廄出擊時候，有力重敲勝門，首選。勇眼光勝後連續三場跑第三，有好檔有劣檔，準繩而未算超，今次好檔兼其他對手普通，相當上風，兼顧但希望有其他馬殺低。另一匹再跟奮鬥雄才，上次放出但失望亦跟住拉倉，今次減三分再用嘉熙減五磅，檔位轉佳，有機會跑出三班水準，兼顧。魅力星光早前在檔差下得第四負於三匹強手，似乎有點進步，亦可考慮兼顧作QT。


第十場就揀三匹近來同程贏過或入Q的友港友笑、百勝名駒、狂舞派，前者檔位可以，後兩者好檔。皇寶準繩但已負於其中兩匹；多多勇駒似路短而檔位普通；同舟共濟能力未有證明。

KIRIN688

引用:

原帖由 鴻略 於 2022-2-6 00:50 發表

第六場1-2-3-4-8有機會，很難秤，董大上仗追得不俗但今次檔位轉差，亦不肯定有明顯進步。


第七場騰龍駒與旋風飛影近戰表現較好，是正路選擇，前者本身是三班馬，重拾健康仍可再上。保險腳可博下人和家盛，今季次次檔劣而所負不 ...

同舟共濟增程上千八合理 只係130磅比較不利 三重彩腳 至於狂舞派再執內檔 呢啲馬成日要際遇形勢配合 睇臨場飛數 皇寶主動 雖然無冠軍相但QT難飛 百勝名駒又一檔真好跑 尾場應該係呢四隻

[ 本帖最後由 KIRIN688 於 2022-2-6 12:13 編輯 ]