當時我有兩份補習都係去學生屋企，一份係去社區中心。社區中心入面d職員好多都好後生，又好nice，所以好快就同佢地熟左，而F就係當中嘅其中一個。F個樣唔靚仔，但身型好高同大隻黑黑實實咁，係d好運動型同粗獷型嘅男仔，我咁細粒企佢隔離只到佢心口多少少。佢只係大我幾年，所以大家都算幾啱傾，好快就熟左。其實佢完全唔係我鍾意嘅類型，加上當時佢有女朋友，我對佢無任何意思嘅，只係當佢係個幾啱傾嘅大哥哥。
補左一排，社區中心d人知我都幾得閒，就叫我不如幫手做下義工，帶下d活動，咁我當然好樂意啦，因為咁同F嘅接觸又再多左。有一次，我地帶班學生去日營玩，咁啱我就被編左同F一組，所以全日都一齊，而玩集體遊戲嘅時候，同佢都有幾多身體接觸，有一次大家手拖手圍圈時，我地就拖住左，咁初初都無乜特別，但隔左陣我發覺佢隻手好濕，我仲問佢做乜咁緊張出曬手汗，而佢就講笑話拖住靚女所以好緊張。呢日之後，佢好似有d唔同左咁，有時傾野會feel到佢"控"到好埋，做野時又覺得佢有意無意會多左身體接觸。。。
有一次我地同幾個職員傾活動傾得夜左，大家就話不如出去食埋晚飯先走，因為食完都幾夜，F又順路，就話送我返屋企，一路上我地都有傾有講。返到屋企沖完涼，就打俾H煲下粥啦，傾到一半我有電話入，一聽竟然係F。
F把聲好唔開心，問我可唔可以陪佢傾下，但我話同男朋友傾緊，佢就叫我傾完打俾佢。我同H傾完都已經幾夜，但我見F咁唔開心，所以都打左俾佢。佢同我講最近同女朋友分左手，好唔開心，咁我就安慰下佢又用女仔角度俾下意見咁，不知不覺傾下傾下竟然傾到半夜3點，而呢晚之後同佢fd左又close左，不過我平時都有意無意會講下H，想提醒佢我有男朋友，唔想佢會諗多左。
終於到左放榜嘅日子，我嘅成績比預期差，但好好彩都可以原校升中六。而H就考得麻麻，佢之後仲講左件令我好唔開心嘅事.....
佢要去外國讀書！
