引用:
原帖由 MissTanzanite 於 2012-7-3 11:16 PM 發表 
你唔明架啦，呢期公司已經好有挫敗感，
而家又好心沒好報
係....你講得啱，你公司點受氣我真係唔明。
不過，公司做野唔開心同唔見左個電話，係兩件事，唔好拉埋一齊睇。
以我自己少少既經驗，好心係一定有好報、付出同收獲係一定成正比......但係好報同收獲係唔知幾時黎。反之亦然，個扒手攞左你部電話，今日佢可能好開心，有新電話用或者賺到一筆錢，同時我亦好相信，黎梗佢唔會有好日子過，因為上天係公平，一定會俾番報應佢，不過我地睇唔到咁解。
我係細個讀書嗰陣，自問對同學都算唔差，不過唔知點解成日俾嗰D同學出賣、俾嗰D同學取笑，出到黎做野遇到D同事都係一樣，同Teammate夾手夾腳解決左工作上既困難，最後個同事一個唔該就領左功、上左位，而我就繼續係度捱。
我咁樣既例子，算唔算好心無好報？
但係上黎引版玩，一心諗住作反，點知就識到一個咁錫我既女仔，用唔同方法勸我唔好做錯事，佢又會知我幾時唔開心，特登問候我，叫我有唔開心一定要話俾佢知。仲有我女朋友，佢行出街從來唔好望男仔，甚至好多型男偶像佢都無興趣，我有時真係懷疑佢究竟鐘唔鐘意男仔，不過就偏偏死係一個又無錢、又無學識、又唔靚仔既死宅男手上。呢D只係其中兩個情況，係現實生活中，仲有好多人唔知點解會好錫我、對我好好。
我咁樣既例子，咁算唔算係好報？
平時好有自信既聽聽去左邊？做乜事為左一部電話要生要死，可能你只係發洩一下，但係你今晚真係好Down。無左一部新電話、無左幾千元係好唔抵，但係講到尾都係一部電話、係一個死物，唔值得你咁唔開心，振作點吧。
如果要我揀，我寧願要同我鬧交既聽聽，都唔想見到無晒心機既聽聽。
信我！船到橋頭自然直，快D瞓好D喇。
