訓左起T 先生手腎度, 個頭挨向佢, 好平常咁傾下計。佢都好乖, 知道我淨係想攬下, 都無對我做咩, 話要我自願先:smile_o06:, 雖然話如果咁就信, 好多人一定會話"咪咁天真啦", 但係聽到時個感覺真係安心左, 而且挨住佢既感覺真係好舒服:smile_40:
諗到咩就講咩問咩, 其間講到佢之前約過一個女仔出黎, 我咪好奇問下點樣同埋有無相睇, 不過我都係多口問下, 雖然佢比左我睇, 但係我拎住佢手機睇緊時, 其實雙眼好似無對焦到咁, 因為感覺上佢係我隔黎睇住我拎住佢手機睇呢D... 覺得好奇怪:smile_27::smile_27: 大概睇左6, 7成之後比返部手機佢。隔左一陣, 佢起身話要去厠所冷靜下, 因為佢係突然間咁講, 所以我都呆左一下, 但同時間, 又係有種覺得佢好可愛既感覺:smile_o13:後尾大家都好乖咁攬住訓。
訓左一陣間, 我醒左, 望住佢, 我忍唔住諗"呢個男人係咪真係唔會攪我?"...
繼續望左佢一陣, 好想挨返埋去攬住佢繼續訓, 同埋我發覺... 原來唔介意同佢...... 不過對於呢種咁快唔同左既感覺, 又係十五十六既時間:smile_35:, 我無郁到, 依然訓係度望住佢, 然後不知不覺咁訓著左。
朦朦朧朧期間, 慢慢覺得身體有種痕痕地既感覺, 當意識慢慢清醒, 我feel 到佢從後攬住我, 錫緊我條頸, 同時隻手亦都伸左入背心入面... 一兩秒, 到我真係意識到咩事既時候, 我轉向佢問左條好百痴既問題, "你做咩野", 而佢就好順勢咁將我按低左, 錫左埋黎:smile_13:...
訓著之前仲十五十六緊既我, 又想推開佢, 但又想繼續錫:smile_39: 跟住佢又問左我一句"真係唔想:smile_41:", 唉, 好, 你贏, 你啱, 如果唔想既, 我一開始就已經會推開你啦
:smile_o05:
