暫定本故事十五集完,明日世界杯前出大結局.世界杯打到黎啦,正呀…
兩個人走在一起,是緣份、是甜蜜的、是美好的.可是若為彌補自己做錯事,或當作補償對方而勉強跟她在一起,這段感情便沒靈魂了.愛情是兩情相悅的,不是施捨,也不能乞求.當愛情走到盡頭時,應捨得放手.離開後你會發現,世界是開朗的,不是黑暗的.
小盈係一個好爽的女仔,優柔寡斷的人,反而是我.
第十三集: 狠下決心
上集講到我送小雪走後,一個人走在東門大街上,突感寂寞難耐,便找小盈.但我心裡仍掂念著小雪,即使小盈在酒店暗示想和我「那個」,我都提不起興趣,婉拒了她.
那時,我真正知道,我根本不喜歡小盈,之前勉強在一起只是為了消除自己的內疚感而已.
經過難熬的一晚,第二天一早我拖著疲憊的身驅送小盈上的士後,自己趕過關返香港上班,由於訓得唔好,精神不振,工作上頻頻出錯,俾老闆當住同事面前省到令一令.
放工後想搵個朋友傾心事,就打俾老死 Kelvin.
見面後搵左間餐廳食飯,一坐底 Kelvin說:「阿簡,你今日精神唔多好喎,噚晚做賊黎呀?」
「唔係做賊,係做小偷,偷心呀」我苦笑說.
「未聽過你話拍拖嘅?偷左邊條女嘅心呀?」Kelvin興奮的說.
於是我將我和小盈及小雪的故事一五一十話俾 Kelvin聽.Kelvin是多年老友,是可以傾心事的那種.
此時待應端上飯和飲料.我講完故事後,Kelvin說:「你未試過追小雪,你又知唔得?」
「你唔係唔知我性格啦,我冇把握嘅仗係唔會打架…」我說.
「又係呢句,我聽到厭啦,追女仔呢家野有『實掂』嘅咩?既然你遇上喜歡的人,點解唔試下就打退堂鼓先?」 Kelvin說.
我低著頭食飯,沒回答他.
Kelvin見我冇回應,說:「好啦,小雪果度你自己諗啦.小盈呢?你點處理先?」
我抬起頭說:「我根本唔喜歡佢,但又講唔出『分手』二字,我覺得宜家分手好似…」
「好似咩呀?你想拖呀?拖到幾時?你同小盈似拍拖咩?!」 Kelvin有點惱怒的說.
我也估不到他有這麼大的反應,有點愕然.
我無意識地拿著茶匙,攪和杯中的檸檬.
「你咁拖落去唔掂架,害左人地,你知唔知架?唔鍾意人咪乾脆同人講囉,好來好去嘛,我諗小盈會明白嘅.」 Kelvin說.
Kelvin說的也是,我也知道拖下去不是辦法,只是我不知該用甚麼方法和小盈講分手.現在 Kelvin的提醒,使我下定決心,要和小盈講分手了!
突然,我的手機響了,原來是小盈打來.
「喂,阿簡呀,你喺邊呀?」小盈的聲音似乎很開心.
待續
