睇到個男仔好慘:smile_24:
各位記住唔好上網媾女,一切後果自負
真人真事
撞到個咁既女仔，你地會點？
呢排真係好扯火＋晚晚無覺好訓，咁多年來都未試過憎一個人憎到入心入肺，究竟係我有問題我無風度，定係呢個女仔太難頂？比比意見。
﹣ 呢個女仔係網上面識，開始時無咩野，佢鍾意成日讚自己靚，讚自己好有文學天份，佢有一個男友但好少提起。呢Ｄ都無野啦。
﹣ 怪就怪自己好奇，好想知佢咩咁巴閉，成日同佢吹水吹到半夜，維持左大半年。
﹣ 第一次見面，本來都係食飯無野，後尾去左尖東吹風就出事，忍５住拖左佢手。（後來佢講番係佢故意帶我去尖東的。）算啦，無得賴，係我衰。
﹣ 因為我都有女友，佢又有男友，其實我５想咁樣，但係每次同佢講不如好似舊時咁，佢就發脾氣不停喊。
﹣ 有次星期六晚我一早約左朋友，佢無故打比我，話去我屋企樓下等到我番黎，結果佢真係黃昏五點開始坐係老麥等我。我朋友生日，我係攪手５去５得，最後草草了事飛的走先，朋友都有微言:smile_39:。呢次係我第一次開始頂５順同驚。果晚佢５肯走，去左我屋企，我一個人住，得一張床，焗住同床，奇蹟地我成晚無攪到佢，事實係由始至終到而家，我都無同佢發生過關係，一來我本身有女友啦，就算５係，其實我真係幾驚５知攪左有咩後果。
﹣ 呢次之後，佢開始失控，我５想傷害佢，希望同佢去番舊時咁，但係佢不斷迫我同女友分手。有一次佢一早留左廿幾個留言比我，留言箱都爆埋，每一個都係喊到聽５到佢講咩。我由好驚，好想挽留，到終於開始有點憤怒。
﹣ 其實佢自己有個男友，行左幾年，佢自己都話同男友本身真係無咩野。我傻左，總係希望佢只係一時貪玩，事實係：佢同我出街，講大話呃佢男友比我目擊，技巧簡直出神入化，睇到我都Ｏ咀。
﹣ 佢有一個強項，就係起人底，好耐之前我曾經提過我在香港討論區有呢個叫mobileme 既 a/c, 當時講過就算。我發夢無諗過，原來佢當時已經靜靜地記低左，半年之後佢突擊搵晒我所有留過言既記錄，同我算帳，質問我好多細節。當時我同佢都仲只係朋友:smile_39:，其實我一早應該醒少少知佢有問題。
﹣ 去到上個月，佢無止境既哭哭啼啼同暴力 （有幾次佢迫我望住佢，好大力拎我條頸），終於令我爆發，鬧左佢一次好甘，自此我每次同佢講野都再難控制我既情緖。
﹣ 無見一輪，冷靜一下，其實我本來仲想同佢做朋友，無意中比我發現佢日日係呢個版同人講佢幾咁慘幾咁偉大。我頂，真係日日睇，日日扯火。
﹣ 本來算架喇，但係ＦＡＣＥＢＯＯＫ無啦啦又有個陌生人ＡＤＤ我，個ＥＭＡＩＬ同佢男友既雷同。我已經比佢男友小過一鑊，佢條仔又５知自己條女係咩人，仲叫我５好攪佢條女。我要攪，一早攪左啦。:smile_15:
﹣ 最後一次我搵佢，想佢男友５好煩我，結果比佢鬧番轉頭，話咩都５關佢事，仲數番我之前好鬧佢，又鬧我５應該記住佢Ｄ衰野。
到最後，都好似係我５岩，我欠左佢。點解？係５係我有問題，我真係晚晚都訓５到。:smile_39:
