咁你拍過拖未先?!
你都話上星期先去至識啦,十日唔夠先見過兩次面,人地乜野背景你都未知!!
結左婚未(農村d女好早結婚架)?!有無男朋友?!屋企有乜人?!第幾次黎香港?!
點樣識得黎香港搵快錢(仲要做一樓一喎)?!養緊條仔定老公逼?!姐妹介紹?!
佢話過兩日會返深圳,咁佢返深圳做乜?!住邊?!逗留幾耐?!
就算溝港女都要問啦,何況你重要隔山買牛,除非你係羊太!!咩~~~~
如果你要上去搵佢就一定一定要事事小心!提高警覺!!就先當住佢係扼錢先!!!
最好搵個較有理智既朋友陪(搵藉口,叫佢介紹姊妹給你朋友,人多好玩d),
一黎怕你俾人迷到瘟瘟燉燉(唔會全軍覆沒掛),二黎有個照應安全d,
第一次上去,要過夜或人少的地方就儘量唔好啦,人多既地方都要執生,
因為上面d仆街只會睇戲,唔會有人伸出援手!!!:smile_22:
叫得你去睇佢個QQ空間,又點會唔做野丫?!!
佢唔知你有錢?!無錢又點?!唔呃得呀?!你無錢一樣可以呃到你錢!!!!!
碌卡!問朋友借!!問財務公司借!!!狠D既捉埋你,屈你老豆老母!!!!
死未?!
俾多d時間大家溝通了解下先啦,溝女溝女嘛,唔溝點通