引用:
原帖由 taikongbaby 於 2018-2-4 09:03 PM 發表
唔駛比意見....比感想得架拉:smile_47:
好吧,Tai 兄如果你想要我既感想,就畀你啦,但唔好怪我直言喎
不過亦只係小弟個人感想,唔係乜嘢置評。。我先論你所講,文既暢順性先。。我有細心睇咗你幾段,之後問自己,若果我要寫呢一段,我會點寫。發現除咗喺做句,揀字上,有分别外。你既文,好長細。。有時,甚至係太多資料要讀者大腦去處理。
我更睇埋你另外兩篇比較,引証你既筆風 ( 色情社工、 人渣老母),你老哥眾多作品中,我記得「人渣老母」,係我唯一讚過既—篇。
其實 tai 兄支筆,絕對不差,起碼比我强。。但是,去到「人文合一」(知道我講緊乜嗎?) 既 level 時,你個人股執著,就喺文中顯出。
睇完你既文,會好攰,太多資料 ( 長細是好,但若某啲資料對故事無影響,則可以免去),感覺就似睇完一個 report ,又似睇緊課本,多於睇緊一個故事。會令人攰, instead 睇故事既享受。( 呢點可能係你學術上訓練出嚟既習慣 )
「人渣老母」比另外兩篇較啱我睇,—來係廣東話較流暢,少啲課本 report 味,又冇我最憎見到既字眼 (「鷄巴」,我係會一見即 out 嗰篇文)。我亦喜歡由對白間,去感受個角色,instead 由筆者去話我知,個角色係點。
何為止「太多」資料呢?長細既描寫,可以令人感受到角色狀態/環境境况,是好的。。但是若太多,就令人攰 ( 因大腦要處理資料),而且故事節奏被拖慢,亦會影響故事橋段流順,所以適可而止。
Tai 兄識捉棋嗎?( 記得小弟曾講「琴棋書畫」,與人合一嗎?) 每局棋,每一步,皆有其用。太少則太急進,太多則嘥步伐時間,兩者皆會影響整盤棋的勝敗。。寫文亦一樣,只係唔會好似捉棋咁,輸得好肉酸。。但,輸了讀者既目光。
所以我寫文,除整體結構外,就連每段有多少行,每句用多少字 (通常如果太長,我會分成兩句短既),用何字,何字可減,何字加了會較易讀暢口,我都會留意。
因為都會影響閱讀節奏 ( 亦即暢順感 ),至影響整個閱讀感受。。好似很複雜?不是的,像上次解釋「煎蛋」一樣,煮得多,自然地會熟。。熟就能生較,become second nature 。
以上只屬個人意見, 同分享自己寫作手法, 並唔係乜嘢寫作真理, 所以如果唔同意嘅, 唔好插我
[
本帖最後由 米高達 於 2018-3-1 11:49 PM 編輯 ]