唔好意思，要大家等咗成晚。
重遇
買完條泳褲之後就返去酒店，之後突然好眼訓，就訓咗一陣。訓咗半個鐘左右，醒咗就直接換衫去到公共温泉。
公共温泉主要分咗3個大浴池，一個熱泉，一個凍水，同埋一個有好多按摩公能嘅浴池，再加上仲有蒸氣室。
首先當然係去浸熱泉。落水嗰下真係好lun熱，慢慢習慣之後全身浸落去真係正到形容唔到。當成個人放鬆晒成個大爺咁浸係度嘅時候其實係無野做，都幾無聊。咁呢d時候梗係周圍望下。由於嗰日係閒日，所以基本上唔係好多人。周圍d人都主要係d阿伯同大媽，實在都無乜好睇。
浸咗一陣之後就過咗凍水浴嗰邊過下冷河。嘩屌，浸落去嗰下凍到仆街，直情感覺到d血管即刻收縮。死頂咗10秒就上返黎，上水嗰下真係有d見暈。之後去按摩池嗰邊又浸下。
首先同大家說明下，呢個按摩池唔係一般喺泳池嗰d。佢係一個好大嘅池，池入面有好多唔同類型嘅按摩，有d俾你訓喺度按，有d坐喺度，總之形形式式咁都幾大嘅一個池。
去到按摩池區嘅時候離遠就聽到比較嘈。因為之前熱泉同凍泉區都係好靜，一黎人少，二黎d阿伯同大媽都係各自浸，基本上除咗水聲之外都聽唔到其他聲。所以一入到按摩池區聽到人聲，感覺特別強烈，而且一聽就知係一班識嘅人喺度玩緊。
一入到去，就見返之前買泳褲嗰時見到嗰班人，有男有女，有老有嫩嗰班。其實嗰一刻有少少想調頭走，等佢地走咗先去浸。畢竟經過頭先四目相投嗰下有d尷尬，再加上佢地成班人用緊個池，好似句咗場咁，所以我一外人一入到去，又係全部人望住我，更加尷尬。
呢個時候我腦中好快咁轉，決定應該點好，諗到其實都已經俾佢地見到。調頭走好似好小家咁仲樣衰，所以就決定照入去。
