恭喜發財！今天是年初一，非常幸運地今年姑媽去旅行，讓我可以睡到二點，否則剛剛唱完通宵k的我就要忍受著麻雀聲的煎熬而睡覺，大家拜年無限loop，屋企黎左一對龍鳳BB，我影了發給Joey，她很喜歡BB和小朋友，她大讚很可愛，說我可以打孖MET對龍鳳BB！
各自用膳後，我想約Joey 食糖水，但我幾孚忘記我朋友啊羊和他女友約了我，可能是Joey太吸引了，其實我心情也相當忐忑，一來的确是很想見到Joey，另一方面又怕太chur會嚇怕Joey｡ 我跟Joey說可以一起到呀羊女友屋企一齊玩，Joey打電話給我，怕會尷尬，但我感覺Joey都想見我，不過都係決定左下次先再見。然後我地開始傾電話，都是一大堆無聊，說起身高的問題，我說我希望能多高10cm, 而Joey說她媽媽也想她高多10cm, 我說不要，現在身高160cm的她很準確，如果多高10cm我可不會追她。Joey聽後冷笑三聲，哈哈哈 你想我比咩反應你? 我連忙叫Joey當沒有聽過，Joey雖然當沒有聽過，但感受到她沒有任何反感，還有一絲暗爽(也有可能是我ff) 。
未幾，我相會我的朋友了，而Joey亦和家人們開枱打馬吊。
大年初二，大富翁。
初三赤口，踢波。
初四晚上，Joey偷拍了Jennifer，原來今天是姊妹淘，但其中一個姊妹不識趣，帶了男友，我問他們飯後有什麼節目，她說未知呀！可能糖水， 我以為Joey 介紹男仔比Jennifer 識，她叫我介紹，我馬上找了我的型男好朋友Kevin，他非常夠義氣，只問WHERE和WHEN就出左黎！Joey介紹我們到一間有果汁味1664的酒吧，認識了Rainbow 和她男友，大家玩玩骰盅，猜猜圍枚，時間過得好快，Rainbow因明天要拜山而早走，第二個Tower才剛到，由於Joey要明天要上班想快點飲完回家，提議玩俄羅斯輪盤和話事啤，不消一個小時就飲完。然後四人坐的士到旺角，Joey想食將軍漢堡去了麥當勞原來仲未出無得食，然後叫左麥樂雞同雞翼餐，飲可樂同熱朱古力(唔知點解我會記得), 等既期間我聞到Joey有種很香的香水味，讚她很香，而她竟然回我一句好變態，我反駁讚你都變態，她回應總之語氣變態啦，然後野食就到了，原來Joey和Jennifer都喜歡薯條點甜酸醬(Joey會說成酸甜醬)，餐後，Kevin識趣地幫我送Jennifer坐車，然後我不知道那來的勇氣拖住Joey隻手上小巴，那幾秒間，我有著強勁的心跳感覺，上到小巴後Joey非常疲倦，幾句後就黏著我睡覺，心跳依然強烈地跳動，但感覺卻無比溫馨。不久就到達Joey家，道別過後，我上了的士，同時我的電話也響起了，是Joey的來電，原來Joey擔心我的安危，我說不用擔心，已經上了的士，她：坐的士咁開心?我：要比錢嫁喎，咁都開心?她：又好似有你道理。我：仲唔沖涼?她：想陪你番到屋企先麻！我：咁好？你攰可以沖涼先嫁！她：我唔係冷血嫁，你送左我番屋企，我都想陪你講電話番到屋企。我：你真係一個好好既女仔！她：你唔好想象得我咁好啦！我：我無呀，我覺得你咁樣陪我講電話好窩心！她：我唔係冷血嫁！你唔覺得我好衰咩?我：唔覺，點解咁講?她：我覺得對你好唔公平，我唔值得你對我咁好！我：我都無做過d乜野！說時遲，那時快！的士已經到我樓下，我想繼續傾落去。Joey一定要我番上先洗澡，我說好啦！一齊沖涼再講電話！Joey冷笑：哈哈，一齊沖涼?想太多了！洗澡的時候心情既高興又忐忑，一邊思考著我做了什麼她會覺得我對她好，忘形得把頭髮洗完又洗，衣服穿好後立馬躺在床上戴好耳筒whatapps她我已經洗好，然後靜靜地待Joey來電，不久電話就響起，暄寒二句後，我把話題帶到未說完的話題上，她緘默了一秒過後，嘆道：我唔知點講好，我覺得我有D野做錯左，我：下 咁嚴重 你做錯咩呀，J:有d野我唔知應唔應該講好，我：都講到咁就講埋落去啦，J:我唔習慣一個人無條件對我好，我唔應該咁樣拖住你，我唔識點面對，我：咁你以前無可能無比人追過嫁，J沾沾:咁實有嫁，我：咁你平時點處理呀 J：唔秋唔彩佢地囉 我：咁你又彩我既 J:咁果D唔中意呀麻 我沾沾：咁我呢? J:唷也~咁我認我對你係有好感既 我：咁我有咩吸引到你 我都唔靚仔 J笑: 我知，我覺得同你一齊果時好舒服 覺得你份人好真 唔會呃我 (比人讚完飄飄然的我): 咁快睇得出 不過我真係唔會呃你既 J:但係…但係我眼訓啦 我：係喎 你聽日仲要番早 快D訓啦 J:咁好啦 88 電話掛斷後，我思考了一會兒，醉後決定愛上你！
