我大半生遇過的女人 Update 3
4. 緣盡
就係咁我地一直維持呢段三角關係一年多, 有時好開心, 有時好辛苦, 始終自己係第三者, priority 唔係我到, 我唔敢迫佢, 不過E小姐都曾經講過佢好難離開佢條仔, 佢嘅屋企人, 朋友都識得佢條你, 認定佢地係一對, 呢D我都可以忍受, 最難接受嘅就係有時送佢返屋企, 而又知道佢條仔會去佢屋企, 又或者我地去完街要送佢去條仔屋企, 真係百般滋味在心頭, 直至有一日我地俾條仔嘅朋友見到, 通知咗佢條仔, 我同E小姐係第二日見面時, 見到佢對紅晒同好腫, 佢一見我就即刻喊, 我個心好不安, 佢將成件事話俾我知, 同佢條仔要佢作決定, 呢一刻我已經估到結果, 呢一日終於來臨, 我強忍淚水, 只係大力攬實佢, 我講咗一句, 我明白㗎啦, 佢一路喊一路講佢都好愛我, 只係兩個只可揀一個嘅一個情况下, 只可放棄我, 跟住我送佢返屋企, 望住佢入大廈嘅背影, 我轉身離開, 淚亦緩緩淌下, 我無怪過E小姐, 亦無後悔過一齊, 結果一早預咗, 只係唔知幾嚟, 最後佢地都結咗婚, 而我都轉咗工, 開始新生活, 係新工作中就俾帶我去見識何謂日式夜總會
