我同C好似有無窮無窮既話題咁，每一分一秒都係帶著歡笑聲渡過，快樂不知是日過，好快就到天光，Ｃ爸爸起身番工見到Ｃ仲未訓就趕Ｃ去訓，而我亦面帶笑容入睡了。
其實同Ｃ傾電話真係好開心，佢同我都係時無不可人言果種人，不過另一邊廂，又好擔心佢會比人呃，每一次聽佢分享心路歷情既時候，都會不禁鼻子一酸，不管ＥＸ，巨龍，Ｄ亦如是。
如事者，第二晚我地繼續傾電話，傾下養兔心得，傾下大家既工作，傾下星座，傾下心事，很單純但很快樂。
講講下，講到佢為左煲劇，直頭買張床搬埋出廳做廳長，然後仲影左相比我睇，我仲記得佢話買左二個手袋（好似係同款唔同色）入左鏡，我亦都影番我間房比佢睇，佢好驚訝大讚我間房好整齊，佢仲話佢男友間房好亂，男友個爸爸仲要係正男友房門口裝一個掛底褲既架，每一次入佢房都要避開Ｄ底褲。然後，佢睇相見到我部NOTEBOOK係層板上面，佢問我點玩，我叫佢估，佢仲傻氣咁問我係咪要企係道玩XD，我真心覺得佢好可愛然後答我博落電視道玩既，佢追問咁點打字呀？我真心笑出黎，然後佢先話我知我知，用無線Keyboard！笑笑口話佢蠢，佢都要好似扭計咁話佢真係知。
哈，佢呢份傻氣真係好可愛！笑完之後靜左落黎，佢突然間怕怕羞羞咁
Ｃ：第時呢，如果第一次搞既話，我想去酒店。
我：嗯，但係點解？
Ｃ：因為呢我想有愛先係屋企搞！
我：好呀！一定有咁既機會！
Ｃ：有個師兄話有套戲叫性上癮，我想睇，但係唔想同佢睇
我：不如我陪你去睇下！
Ｃ：好，星期一或者星期二都得！
我：好啦，星期一就要晏Ｄ我約左朋友睇豪情3D
Ｃ：咁再WECHAT約啦！
再一次我地傾到天光，星期一我如常要番工，放工之後就同朋友食完飯睇豪情，期間我仲因為太攰而訓著左，直至我睇完WECHAT 同C講睇完，問佢想今日定聽日先睇，咁佢話今日啦，咁佢換衫出黎我就去買飛等佢。
***下篇繼續***
