一開始, 佢問我整尋晚搞到幾點先放工. 我話8點幾丫, 佢繼續講, 咁尋晚份document搞掂未? 我話....未, 仲比人鬧到一面屁, 仲向個位度喊. 最後, 終於搞掂份野.....
第二日, 我反到公司, 見到枱上面有盒朱古力, 呆左 !
有張memo上面寫住"don't worry", 然後睇e-mail....佢竟然整左張e-card比我, 好靚架 ! 上面仲有佢個msn既e-mail. 跟住, 我又走去同我d八婆仔同事講, 佢地係咁笑我, 其中一個襯我去toilet, 貼張memo比我, 寫住"be happy", 真係笑死我~
就係咁, 我add左佢msn, 開始傾計. 都係傾下公司, 無聊野咁.....
我好直接咁問佢, 幾多歲, 佢開頭只係答, 大你好多啦.....
我話下, 你個樣好細個咋喎, 28-29咁.....佢只係笑.....最後當然都屈服左, 講我知佢幾大.....而我地幾個女仔之中, 佢就估我係最細果個......其實知道果一下係有d shock, 我無諗過佢大我咁多.
之後我問第二條問題, 一針見血咁, 你結左婚未呀? 個msn隔左成5分鐘到, 至再橙色閃閃.....其實我估到佢會答咩, 但當真係知個答案時, 再又shock多次......
繼續問, 咁有小朋友未呀? 佢答未.......
then差唔多放工, 我就同朋友睇戲, 好記得果日我同bf鬧左交, 所以就約朋友. 而一路食飯, 我就一路唉聲嘆氣. 我真係唔明囉, 點解明明有老婆, 要係咁望住我者, 又整e-card, 又送朱古力, 玩野咩?!?!
心情係有少少失落, 反到公司, 咁都要繼續msn,.....隔左一日, 又收到個e-mail, 因為我之前問佢係咪成日整e-card, 又送朱古力比人, 佢好認真reply我e-mail, 話佢從來未試過咁咁咁.....又訓唔著, 夜晚合埋眼就見到我....佢亦承認鍾意我....希望我會開心, 守護我, 唔會嚇親我之類
向msn溝通果幾日, 我有講我唔開心, 我男朋友對我唔好等等.....
其實同我男朋友一齊既幾年, 都有幾個男仔approach過我, 但最後佢地覺得我都係鍾意我男朋友多d, 所以放棄. I先生係一個好好既聆聽者, 佢唔會亂加任何意見, 會同我分析件事. 或者向佢面前講太多我同男朋友之間既野, I先生亦覺得我男朋友向我心目中既位置係冇人可以取代到. 果幾年入面, 我付出既真係唔少.
至於I先生, 亦有講下佢地既生活, 不過平淡居多......平淡到係由一開始已經無激情果隻. 點無激情法?? 如果大家繼續睇落去就會知.
{待續}
[ 本帖最後由 psky115 於 2012-4-20 11:44 PM 編輯 ]
