yickchingw

引用:

原帖由 kc10412 於 2006-6-16 05:29 PM 發表
龍冠非常鍾意,小休之後又係交代之時

WIN TOGETHER* :014:

yickchingw

話咁快就最後一次快活谷啦, 剛逃離考試既魔掌, 加上世界盃, 無乜點刨馬TIM, 唯有靠季尾形勢, 放頭貼欄輕磅, 今朝超大雨, 但掛牌仍是好地, 預計今晚應該會跑好至黏, 放頭馬更加著數了, 應該注意呢類馬。

基金方面仲虧緊三百幾。唯有靠過關啦。

第一場 永同之寶

老馬今季再次迴光, 連場呈勇, 最緊要唔累, 預計今次「牧場王」「草上飛」都唔夠佢快, 117磅仍輕磅, 一旦放暑假就唔知下季回唔回得番勇, 黃金機會應可再下一城。

第二場 納帕

又是放頭見習生, 今季贏馬o個場其實不錯, 上場雙重加磅都有第五, 換上一戰即勝既王志偉減磅, 有幸補上而無快馬, 當可為王志偉贏取頭馬爭取最佳見習生獎。

第四場 夠信心

1檔放頭, CLASS完全唔同, 必要。

第六場 友誼第一

大熟大勇, 回跑最佳路程, 賺形勢, 要。

第十場 森威力

有體力, 排2檔可在放頭馬後面好位, 必要。

P 5x1 $20
P 5x5 $50

加油!

nithan

永同之寶, 夠信心和森威力三甲都好穩陣下, 係驚夠信心雙T場合玩野, 計馬實有!
友誼第一和納帕就睇形勢, 有分頭則搞得過! 祝好運!

yickchingw

上次條五串一得兩隻入圍, 可能同個場地無預期咁淋, 放頭馬無咁著數有關, 目前基金餘錢不多, 要提高到贏錢都唔係好易, 盡量令基金唔好虧咁多啦。
繼續買過關

威勝
季初仍能在四班贏「樂意」既馬, 依家竟然o係四班45分? 唔係呀嘛。幸好在大前仗終於有番場好D既走勢, 可惜前仗換上梁明偉跟跑, 上場換番滇仔可惜遇上黏地, 今次有番好地, 滇仔肯騎檔好, 岳敦都想贏番場既, 有賠率不妨一博。

銀行馬「好利威」
為爭進步獎必拼, 毋懼「永利好」, 有更佳賠率更要買。

銀行馬「哈哈妙」
連捷贏馬姿態好到不得了, 上二班轉路程本是一大障礙, 但幸好對手無預期中咁強, 6檔仍可守好位, 再捷仍無問題。

W 3x4 @50
P 3x1 @100
盡地一鋪, 輸左下季再黎過！

nithan

三串四兩熱一冷搏得過, 若冷不成, 起碼一對熱保到下本, 但威勝個人則不看好, 精神上支持你啦!

yickchingw

引用:

原帖由 nithan 於 2006-6-30 03:50 PM 發表
三串四兩熱一冷搏得過, 若冷不成, 起碼一對熱保到下本, 但威勝個人則不看好, 精神上支持你啦!

「威勝」是我愛駒, 希望佢跑得番啦。呢兩場真係好吸引到我 ;




呢場仲勁: 起步脫腳都追咁多。
同場「天域」「超級神駒」「呈祥」「強駒」「罐頭刀」「贏晒」之後都不勝有位。
是場高水準賽事, 跑得番o個場水準可橫掃。

keith131

威勝 搏w我唔會買，但三甲仍有一席機會，三t我都有要佢，近兩場走勢係好返少少，但仍有不足之處，有一點可以留意就係近呢三場佢都排 10檔開外，而且都唔係咁利後上o既情況下有少許走勢。今次賽事排個四檔，應可以比對上三場更容易取位，殺入三甲都唔會意外。
好利威 永利好 仍然深不見底，最強對手我覺得係新力升，新力升級數夠千六首本，埋門操練積極，配埋殺手冼毅力，有權殺低 好利威永利好，最重要係 賠率相對值搏。
哈哈妙 贏馬兩仗真係好犀利，三上二無阻力輕磅仲好跑，缺點只是久氣量根據，韋達+神仙+神仙增程馬肯定一棟大熱，我會再搏一搏隻再領風騷，上場佢贏到我過埋關就肥過肥仔水 可惜...... ，無乜原因始終季內面對 勝利飛駒等強手所負不遠，賠率今次應該唔夠十賠，好似上次咁放出黎你黎追 嘿

yickchingw

引用:

原帖由 keith131 於 2006-7-1 07:53 AM 發表
威勝 搏w我唔會買，但三甲仍有一席機會，三t我都有要佢，近兩場走勢係好返少少，但仍有不足之處，有一點可以留意就係近呢三場佢都排 10檔開外，而且都唔係咁利後上o既情況下有少許走勢。今次賽事排個四檔，應可以比對上三場更容易取位，殺入三甲都唔會意外。
好利威 永利好 仍然深不見底，最強對手我覺得係新力升，新力升級數夠千六首本，埋門操練積極，配埋殺手冼毅力，有權殺低 好利威永利好，最重要係 賠率相對值搏。
哈哈妙 贏馬兩仗真係好犀利，三上二無阻力輕磅仲好跑，缺點只是久氣量根據，韋達+神仙+神仙增程馬肯定一棟大熱，我會再搏一搏隻再領風騷，上場佢贏到我過埋關就肥過肥仔水 可惜...... ，無乜原因始終季內面對 勝利飛駒等強手所負不遠，賠率今次應該唔夠十賠，好似上次咁放出黎你黎追 嘿  

新力升計馬當然質素超群, 但好利威仍未見底, 計千六應該個變速好利威犀利少少, 銳氣都有分別, 新力升排9檔無COVER較難跑, 同埋好利威話晒都係銀行馬, 選一我要好利威。
再領風騷我始終唔鐘意未出頭既馬, 最多一腳。